કોરોનાની બીજી લહેરનો પ્રકોપ ધીમે ધીમે ઓછો થઇ રહ્યો છે. ગુજરાત સહીત અનેક રાજ્યમાં લાગુ કરવામાં આવેલા પ્રતિબંધોમાં આંશિક છુટ પણ આપવામાં આવી છે. આ દરમિયાન SBI બેન્કના ગ્રાહકો માટે મહત્વના સમાચાર સામે આવી રહ્યા છે. બેન્કે શાખાઓના કામકાજના સમયમાં ફેરફાર કર્યો છે. હવે SBIની શાખાઓ બપોરના 2 વાગ્યાની જગ્યાએ 4વાગ્યા સુધી ખુલી રહેશે.
અગાઉ કોરોનાના વધતા જતા કેસોને કારણે બેંકે કામકાજના સમય ઘટાડ્યા હતા. હવે કોરોનાના કેસોમાં ઘટાડો થઈ રહ્યો છે તેથી કામના કલાકોમાં 2 કલાકનો વધારો કરવામાં આવ્યો છે. સ્ટેટ બેન્ક ઓફ ઇન્ડિયાએ તેના ટ્વીટર હેન્ડલ પર આ અંગે માહિતી આપતા જણાવ્યું છે કે, ગ્રાહકો તેમના બેંક સંબંધિત કામ સવારે 10 થી સાંજ 4 વાગ્યા દરમિયાન કરી શકશે. અમારી બધી શાખાઓ સવારે 10 થી સાંજના 4 વાગ્યા સુધી ખુલી રહેશે. આ ફેરફાર 1જુનથી લાગુ છે.
વધી રહેલા કોરોના કેસોના કારણે બેંકોએ કામકાજના સમય ઘટાડી દીધો હતો. પરંતુ હવે કોરોનાના દૈનિક કેસોમાં થઇ રહેલા ઘટાડાના કારણે કામકાજના સમયમાં 2 કલાકનો વધારો કરી દેવામાં આવ્યો છે.
