સરકારે એસ્ટ્રાઝેનેકાની કોરોના વેક્સિન કોવિશીલ્ડના પ્રથમ અને બીજા ડોઝ વચ્ચેનું અંતર વધારવાનો નિર્ણય લીધો છે. કેન્દ્રના નિર્દેશ અનુસાર, કોવિશીલ્ડના બંને ડોઝની વચ્ચે ઓછામાં ઓછું 6 થી 8 અઠવાડિયાનું અંતર હોવું જોઈએ. હાલમાં બંને ડોઝ વચ્ચેનું 28 દિવસનું અંતર હતું. કેન્દ્રએ સ્પષ્ટતા કરી હતી કે આ નિર્ણય કોવેક્સિન પર લાગુ નહીં પડે.
કેન્દ્ર સરકારના જણાવ્યા અનુસાર આ નિર્ણય રાષ્ટ્રીય ટેકનિકલ સલાહકાર ગ્રુપ ઓન ઇમ્યુનાઇઝેશન (NTAGI) અને વેક્સિનેશન નિષ્ણાત જૂથ દ્વારા હાલના રિસર્ચ બાદ આ નિર્ણય લેવામાં આવ્યો છે, જેનો અમલ રાજ્ય સરકારોએ કરવો પડશે. એવો દાવો કરવામાં આવ્યો છે કે જો વેક્સિનનો બીજો ડોઝ 6 થી 8 સપ્તાહની વચ્ચે આપવામાં આવે તો તે વધુ અસરકારક સાબિત થશે.
નેશનલ ટેક્નિકલ એડવાઇઝરી ગ્રુપ અને નેશનલ એક્સપર્ટ ગ્રુપ ઓન વેક્સિન એડમિનિસ્ટ્રેશનની સલાહ બાદ રાજ્યોને આ ચિઠ્ઠી લખવામાં આવી છે. પહેલાં ૪-૬ વીકમાં કોવિશીલ્ડનો બીજો ડોઝ આપવાની વાત કહેવામાં આવી હતી. હવે આ તેને ૬-૮ અઠવાડિયા વચ્ચે કરવામાં આવ્યું છે. કેન્દ્ર સરકારે સ્પષ્ટ કર્યું છે કે, બીજો ડોઝ કોઇપણ સ્થિતિમાં ૮માં વીક સુધીમાં આપી દેવાનો છે. આ આદેશ ફક્ત કોવિશીલ્ડ પર લાગુ થશે.
