જામનગર શહેરમાં હવાઈ ચોક પાસેથીપસાર થતી રીક્ષાને આંતરીને તલાસી લેતા તેમાંથી એલસીબીની ટીમે ચાર શખ્સોને ઈંગ્લીશ દારૂનો જથ્થો, મોબાઇલ અને રીક્ષા સહિત કુલ રૂા.1,51,800 ના મુદ્દામાલ સાથે ઝડપી લઇ આગળની કાર્યવાહી હાથ ધરી હતી.
દરોડાની વિગત મુજબ, જામનગર શહેરમાં હવાઈચોક વિસ્તારમાંથી રીક્ષામાં દારૂનો જથ્થો લઇને શખ્સો પસાર થવાની એલસીબીના ક્રિપાલસિંહ જાડેજા, ધાના મોરી અને વનરાજ મકવાણાને મળેલી બાતમીના આધારે પોલીસ અધિક્ષક પ્રેમસુખ ડેલુની સૂચનાથી પીઆઈ જે.વી. ચૌધરી, પીએસઆઇ આર.કે. કરમટા, એસ.પી. ગોહિલ, પી.એન. મોરી તથા સ્ટાફના સંજયસિંહ વાળા, હરપાલસિંહ સોઢા, ભરતભાઈ પટેલ, નાનજીભાઈ પટેલ, દિલીપભાઈ તલવાડિયા, હરદીપભાઈ ઘાઘલ, વનરાજભાઈ મકવાણા, ધાનાભાઈ મોરી, હિતેન્દ્રસિંહ જાડેજા, અરજણભાઈ કોડીયાતર, મયુદીનભાઈ સૈયદ, ક્રિપાલસિંહ જાડેજા, નિર્મળસિંહ જાડેજા, કિશોરભાઈ પરમાર, હરદીપભાઇ બારડ, ઋષિરાજસિંહ વાળા, મયુરસિંહ પરમાર, કલ્પેશભાઈ મૈયડ, ધર્મેન્દ્રસિંહ જાડેજા, દયારામ ત્રિવેદી, બિજલભાઈ બારાસરા સહિતના સ્ટાફે વોચ ગોઠવી હતી.
તે દરમિયાન બાતમી મુજબની જીજે-10-ટીડબલ્યુ-0971 નંબરની સીએનજી રીક્ષા પસાર થતા એલસીબીએ રીક્ષાને આંતરીને તલાસી લેતા તેમાંથી રૂા.36300 ની કિંમતની 47 નંગ ઈંગ્લીશ દારૂની બોટલો તથા રૂા.15500 ની કિંમતના ચાર નંગ મોબાઇલ મળી આવતા એલસીબીએ રૂા.1,51,800 ના મુદ્દામાલ સાથે રાજેશ ઉર્ફે રાજુ ઉમેદલાલ વારા, હિમાન્સુ ઉર્ફે શનિ રાજેશ ચુડાસમા, પ્રિતેશ સુરેન્દ્ર જેઠવા અને ધાર્મિક હિતેશ દાઉદીયા નામના ચાર શખ્સોને ઝડપી લઇ ગુનો નોંધી વધુ તપાસ હાથ ધરી હતી.
