જામનગર શહેરમાંથી એકી બેકીનો જૂગાર રમતા પાંચ શખ્સ ઝડપાયા

જામનગર શહેરના દિગ્વીજય પ્લોટ 49 માં જાહેરમાં ભારતીય ચલણી નોટો પર એકી બેકીના આંકડા ઉપર જૂગાર રમતા પાંચ શખ્સોને પોલીસે રૂા.10170 ની રોકડ સાથે ઝડપી લીધા હતાં.

આ અંગેની વિગત મુજબ, જામનગર શહેરમાં 49 દિ.પ્લોટમાં જાહેરમાં એકીબેકીના આંકડા પર જૂગાર રમતા હોવાની બાતમીના આધારે સિટી એ ડીવીઝન પોલીસ સ્ટાફે રેઈડ દરમિયાન મહેશ લક્ષ્મીદાસ ખીચડા, અરવિંદસિંહ શિવુભા રાઠોડ, જયેશ સુરેશભારતી ગોસ્વામી, જગદીશ લધારામ ભદ્રા અને સતુભા ઉર્ફે રાવણ માનસંગજી જાડેજા નામના પાંચ શખ્સોને રૂા.10170 ની રોકડ રકમ સાથે ઝડપી લઇ આગળની કાર્યવાહી હાથ ધરી હતી.