જામનગર શહેરમાં આવેલ જીજી હોસ્પિટલના પીડિયાટ્રીક વિભાગ ખાતે તા.17 માર્ચ બુધવારના રોજ ડીપ્લોમા ઓફ નેશનલ બોર્ડ (DNB)ની પરીક્ષાનું આયોજન કરવામાં આવ્યું હતું. જેમાં 8 પરીક્ષાર્થીઓએ ભાગ લીધો હતો. અને 4 પરીક્ષક દ્રારા પરીક્ષા લેવામાં આવી હતી.
- Advertisement -
ડીપ્લોમા ઓફ નેશનલ બોર્ડના દેશમાં 80 જેટલા કેન્દ્રો આવેલા છે. જે પૈકી એક કેન્દ્ર જામનગરની જીજી હોસ્પિટલના પીડિયાટ્રીક વિભાગ ખાતે આવેલું છે. જે સૌરાષ્ટ્રનું એક માત્ર કેન્દ્ર છે. પીડિયાટ્રીકની આ પરીક્ષા છેલ્લા 5 વર્ષથી સૌરાષ્ટ્રના એક માત્ર જીજી હોસ્પિટલના બાળરોગ વિભાગ ખાતે લેવામાં આવે છે. પરંતુ આ વર્ષે કોરોના પ્રોટોકોલને ધ્યાનમાં રાખીને પ્રેક્ટીકલ પરીક્ષા જ સેન્ટર ખાતે લેવામાં આવી હતી.
- Advertisement -
જયારે અડધી પરીક્ષા દિલ્હીથી ઓનલાઈન લેવામાં આવી હતી.જીજી હોસ્પિટલ ખાતેના આ કેન્દ્રમાં 8 પરીક્ષાર્થીઓએ પરીક્ષા આપી હતી. અને 4 પરીક્ષકો પૈકી ડૉ. યોગેશ પરીખ કે જેઓ સુરતથી આવ્યા હતા અને ડૉ.ભરત મુળીયા કે જેઓ સુરેન્દ્રનગરથી આવ્યા હતા. આ સિવાય જીજી હોસ્પિટલના બાળરોગ વિભાગના બે ડોકટરો ડૉ.ભદ્રેશ વ્યાસ અને ડૉ.મૌલિક શાહ દ્રારા પરીક્ષણ કરવામાં આવ્યું હતું.
