જામનગર શહેરમાંથી નેપાળી યુવાનનો મૃતદેહ સાંપડયો

જામનગર શહેરમાં ધણશેરીની ખાડ વિસ્તારમાં આજે સવારે અજાણ્યા યુવાનનો મૃતદેહ મળી આવતા પોલીસે સ્થળ પર પહોંચી મૃતદેહનો કબ્જો સંભાળી તપાસ આરંભી હતી.

બનાવ અંગેની વિગત મુજબ, જામનગર શહેરમાં ધણશેરીની ખાડ વિસ્તારમાંથી આજે સવારે એક યુવાનનો મૃતદેહ મળી આવતા લોકો એકઠાં થઈ ગયા હતાં. ત્યારબાદ આ બનાવની જાણ કરાતા પોલીસ કાફલો ઘટનાસ્થળે દોડી આવ્યો હતો અને તપાસ હાથ ધરતાં પ્રાથમિક તારણમાં મૃતક સુવીલાલસિંગ (ઉ.વ.40) નામના નેપાળી યુવાનનો હોવાની ઓળખ થઈ હતી અને યવુાન ખીજડિયા બાયપાસ પાસે આવેલી જય માતાજી હોટલમાં કામ કરતો હતો અને ગત તા.6 ના રોજ હોટેલથી ચાલ્યા ગયા બાદ આજે તેનો મૃતદેહ સાંપડયો હતો. પોલીસે મૃતદેહનો કબ્જો સંભાળી પીએમ માટે મોકલી મોતનું કારણ જાણવા તપાસ આરંભી હતી.