જામનગર શહેરમાં એક વર્ષથી દારૂના ગુનામાં નાસતા ફરતા આરોપીને પેરોલ ફર્લો સ્કવોર્ડે દબોચી લઇ આગળની કાર્યવાહી હાથ ધરી હતી.
આ અંગેની વિગત મુજબ, જામનગર શહેરના બેડી મરીન પોલીસ સ્ટેશનમાં નોંધાયેલા ઈંગ્લીશ દારૂના ગુનામાં એક વર્ષથી નાસતા ફરતા પ્રફુલ્લભાઈ ઉર્ફે પાગો ખજુરિયા ભદ્રા નામનો બુટલેગર જામનગર શહેરમાં આવ્યો હોવાની ભગીરથસિંહ સરવૈયા, ગજેન્દ્રસિંહ જાડેજા, કરણસિંહ જાડેજા, લખધિરસિંહ જાડેજા, ધર્મેન્દ્ર વૈષ્ણવને મળેલી સંયુકત બાતમીના આધારે પીએસઆઈ એલ.જે.મિયાત્રા, એએસઆઈ ગોવિંદભાઈ ચૌહાણ, લખધીરસિંહ જાડેજા, કરણસિંહ જાડેજા, ગજેન્દ્રસિંહ જાડેજા, હેકો સલીમભાઈ નોયડા, ભગીરથસિંહ સરવૈયા, ભરત ડાંગર, રણજીતસિંહ પરમાર તથા પો.કો. મહિપાલભાઇ સાદિયા, ધર્મેન્દ્રસિંહ જાડેજા, ધર્મેન્દ્રભાઈ વૈષ્ણવ, હેકો અરવિંદગીરી ગોસાઈ, એલસીબી હેકો નિર્મળસિંહ જાડેજા, પો.કો. બળવંતસિંહ પરમાર સહિતના સ્ટાફે વોચ ગોઠવી ટાઉનહોલ પાસેથી પ્રફુલ્લ ઉર્ફે પાગો નામના બુટલેગરને દબોચી લઇ બેડી મરીનને સોંપવા તજવીજ હાથ ધરી હતી.
