જામનગર નજીક ટ્રક કન્ટેઈનરે ઠોકરે ચડાવતા બાઈકસવારનું મોત

જામનગર તાલુકાના ચેલા ગામ નજીક આવેલા સીએનજી પંપ પાસેના માર્ગ પરથી પસાર થતા બાઈકસવારને પૂરઝડપે બેફીકરાઈથી આવતા ટ્રક કન્ટેઈનરે ઠોકર મારી હડફેટે લેતા બાઈકસવારને ગંભીર ઈજા પહોંચતા જી. જી. હોસ્પિટલમાં ખસેડાતા જ્યાં તેમનું મોત નિપજ્યું હતું.

અકસ્માતના બનાવની વિગત મુજબ, જામનગરમાં રહેતા દુદાભાઈ કરશનભાઈ કારાવદરા (ઉ.વ.48) નામના યુવાન રવિવારે રાત્રિના સમયે તેના જીજે-10-બીએ-9077 નંબરના બાઈક પર ચંગા પાટીયાથી જામનગર તેના ઘર તરફ આવતા હતાં તે દરમિયાન સીએનજી પેટ્રોલ પંપ નજીક પહોંચ્યા ત્યારે પૂરઝડપે બેફીકરાઈથી આવતા જીજે-03-બીડબલ્યુ-8164 નંબરના ટ્રક કન્ટેઈનરના ચાલકે બાઈકસવારને ઠોકર મારી હડફેટે લેતા અકસ્માતમાં યુવાનને ગંભીર ઈજા પહોંચી હતી. ત્યારબાદ ઈજાગ્રસ્ત દુદાભાઈને સારવાર માટે જી. જી. હોસ્પિટલમાં ખસેડવામાં આવતાં જ્યાં તેમનું મોત નિપજ્યાનું તબીબોએ જાહેર કર્યુ હતું. અકસ્માતબાદ ટ્રકચાલક નાશી ગયો હતો. આ બનાવની દિનેશભાઈ દ્વારા જાણ કરાતા પીએસઆઈ સી.એમ. કાંટેલિયા તથા સ્ટાફે નાશી ગયેલા ટ્રક ક્ધટેઈનરના ચાલક વિરૂધ્ધ ગુનો નોંધી મૃતદેહને પીએમ માટે મોકલી વધુ કાર્યવાહી હાથ ધરી હતી.