ટીંબડી ગામના યુવાન પર કૌટુંબિક ભત્રીજાઓ દ્વારા હુમલો

ખંભાળિયા તાલુકાના ટીંબડી ગામમાં રહેતા યુવાન ઉપર તેના જ ગામમાં રહેતાં ચાર ભત્રીજાઓને ઠપકો આપવાની બાબતનું મનદુ:ખ રાખી ધોકા વડે હુમલો કર્યાના બનાવમાં પોલીસે ગુનો નોંધી તપાસ આરંભી હતી.

આ અંગેની વિગત મુજબ, ખંભાળિયા તાલુકાના ટીંબડી ગામે રહેતા પ્રવીણભાઈ હેભાભાઈ ડગરા નામના 45 વર્ષના યુવાન દ્વારા આ જ ગામના રહીશ એવા તેમના ભત્રીજા શૈલેષ આલાભાઈ ડગરાને જાહેરમાં ઠપકો આપ્યો હોય, તે અંગેનું મનદુ:ખ રાખી, આરોપી શૈલેષ ડગરા સાથે નિલેશ ઉર્ફે લલિત પાલા ડગરા, જયસુખ ઉર્ફે જયેશ બેચરભાઈ ડગરા અને હિતેશ આલા ડગરા નામના ચાર ભત્રીજાઓએ ફરિયાદી પ્રવીણભાઈને બિભત્સ ગાળો કાઢી, લાકડાના ધોકા વડે માર મારી, ઈજાઓ કરતા આ સમગ્ર બનાવ અંગે ચારેય શખ્સો સામે અહીં પોલીસ મથકમાં આઈ.પી.સી. કલમ 323, 504, 114 તથા જી.પી. એક્ટની કલમ મુજબ ગુનો નોંધવામાં આવ્યો છે.