ગુજરાત જાહેર સેવા આયોગ (GPSC) દ્વારા રેન્જ ફોરેસ્ટ ઓફિસર અને આસિસ્ટન્ટ વન સંરક્ષકની કુલ 26 જગ્યાઓ માટે ભરતીની જાહેરાત કરવામાં આવી છે, જેમાં 1 એપ્રિલથી 15 એપ્રિલ સુધી ઓનલાઇન અરજી કરી શકાશે. આ ભરતી માટેની પ્રિલિમિનરી પરીક્ષા જૂન મહિનામાં અને મુખ્ય પરીક્ષા ડિસેમ્બરમાં યોજાવાની શક્યતા છે, જેના માટે ઉમેદવારોએ જીપીએસસીની સત્તાવાર વેબસાઇટ પર જઈને સમયમર્યાદામાં નોંધણી કરાવવાની રહેશે.
સરકારી નોકરીની તૈયારી કરી રહેલા અને નવી ભરતીની રાહ જોતા યુવાનો માટે સારા સમાચાર આવ્યા છે. ગુજરાત જાહેર સેવા આયોગ (GPSC) દ્વારા રેન્જ ફોરેસ્ટ ઓફિસર (RFO) સહિત કુલ 26 જગ્યાઓ પર ભરતી માટે સત્તાવાર નોટિફિકેશન બહાર પાડવામાં આવ્યું છે. આ ભરતી અંતર્ગત રેન્જ ફોરેસ્ટ ઓફિસર (વર્ગ-2) ની 25 જગ્યાઓ અને આસિસ્ટન્ટ કન્ઝર્વેટર ઓફ ફોરેસ્ટ (વર્ગ-2) ની 1 જગ્યા માટે અરજીઓ મંગાવવામાં આવી છે.
GPSC દ્વારા જાહેર કરાયેલી આ જગ્યાઓ માટે ઓનલાઇન અરજી પ્રક્રિયા બુધવાર, 1 એપ્રિલથી શરૂ થઈ ગઈ છે. લાયકાત ધરાવતા અને ઈચ્છુક ઉમેદવારો 15 એપ્રિલ સુધીમાં સત્તાવાર વેબસાઇટ પર જઈને પોતાનું ફોર્મ ભરી શકે છે. ઉમેદવારોએ નિર્ધારિત સમય મર્યાદામાં નોંધણી કરાવવી ફરજિયાત છે.
અરજી કરનાર ઉમેદવારો પાસે માન્ય સંસ્થા અથવા યુનિવર્સિટીમાંથી સંબંધિત વિષયો જેવા કે બોટની, કેમિસ્ટ્રી, જીઓલોજી, મેથ્સ, ફિઝિક્સ, સ્ટેટિસ્ટિક્સ, ઝૂલોજી, માઇક્રોબાયોલોજી, બાયોટેકનોલોજી, એન્વાયરમેન્ટ સાયન્સ, એગ્રીકલ્ચર, ફોરેસ્ટ્રી અથવા એન્જિનિયરિંગ/ટેકનોલોજીમાં સ્નાતકની ડિગ્રી હોવી આવશ્યક છે. વય મર્યાદાની વાત કરીએ તો, ઉમેદવારની લઘુત્તમ વય 20 વર્ષ અને મહત્તમ 35 વર્ષ નક્કી કરવામાં આવી છે (15 એપ્રિલના આધારે ગણતરી થશે), જ્યારે અનામત વર્ગના ઉમેદવારોને નિયમ મુજબ છૂટછાટ આપવામાં આવશે.
ઉમેદવારની પસંદગી પ્રિલિમિનરી પરીક્ષા (PT), મુખ્ય પરીક્ષા (Mains), પર્સનલ ઇન્ટરવ્યુ, મેડિકલ ફિટનેસ ટેસ્ટ અને ડોક્યુમેન્ટ વેરિફિકેશનના આધારે કરવામાં આવશે. સફળ ઉમેદવારોને પદ મુજબ પ્રતિ માસ રૂ. 39,900 થી રૂ. 1,67,800 ની વચ્ચે પગાર આપવામાં આવશે. સામાન્ય/EWS/SEBC વર્ગ માટે અરજી ફી 100 રૂપિયા છે, જ્યારે SC/ST/દિવ્યાંગ/ભૂતપૂર્વ સૈનિક અને મહિલા ઉમેદવારોને ફીમાંથી મુક્તિ આપવામાં આવી છે.
પરીક્ષાનું સંભવિત સમયપત્રક
GPSC દ્વારા પ્રિલિમિનરી પરીક્ષા (પેપર-1) 7 જૂન, પેપર-2 27 જૂન અને મુખ્ય લેખિત પરીક્ષા 13 થી 16 ડિસેમ્બર વચ્ચે લેવામાં આવે તેવી શક્યતા છે. ઉમેદવારો GPSC ની સત્તાવાર વેબસાઇટ પર જઈને સ્ટેપ-બાય-સ્ટેપ પ્રક્રિયા અનુસરીને ઓનલાઇન ફોર્મ ભરી શકે છે અને ભવિષ્યના સંદર્ભ માટે તેની પ્રિન્ટ આઉટ લઈ શકે છે
