ખંભાળિયા પોલીસ સ્ટાફ દ્વારા ગઈકાલે બુધવારે હાથ ધરવામાં આવેલા પેટ્રોલિંગ દરમિયાન અહીંના સર્વેલન્સ સ્ટાફના હેડ કોન્સ્ટેબલ જેઠાભાઈ પરમાર તથા યોગરાજસિંહ ઝાલા અને કાનાભાઈ લુણાને મળેલી ચોક્કસ બાતમીના આધારે ખંભાળિયામાંથી જીજે-10-બીપી-1965 નંબરના ડિસ્કવર મોટરસાયકલ લઈને પસાર થતા ઓખા મંડળના સુરજકરાડી વિસ્તારમાં હાલ રહેતા અને મૂળ જામનગર જિલ્લાના લાલપુર તાલુકાના જોગવડ ખાતે રહેતા ગોદળ સનાભાઈ લધા નામના 43 વર્ષના શખ્સને પોલીસે અટકાવી, આગવી ઢબે પૂછપરછ કરતા આ શખ્સ દ્વારા તેમની પાસે રહેલું રૂપિયા 15,000 ની કિંમતનું બજાજ ડિસ્કવર મોટરસાયકલની તેણે થોડા સમય પૂર્વે કલ્યાણપુર પંથકમાંથી ચોરી કરી હોવાની કબુલાત આપી હતી. આથી પોલીસે તેની અટકાયત કરી, આગળની કાર્યવાહી કરી હતી.
આ સમગ્ર કાર્યવાહી અહીંના પી.આઈ. ડી.એમ. ઝાલા, હેડ કોન્સ્ટેબલ હેમતભાઈ નંદાણીયા, ખીમાભાઈ કરમુર, દિવ્યરાજસિંહ જાડેજા, જેઠાભાઈ પરમાર, વિરેન્દ્રસિંહ નટુભા જાડેજા, યોગરાજસિંહ ઝાલા તથા કાનાભાઈ લુણા દ્વારા કરવામાં આવી હતી.
