જામનગરમાં રહેણાંક મકાનમાંથી દારૂનો જથ્થો મળી આવ્યો

જામનગર શહેરના 58 દિગ્વીજય પ્લોટ વિસ્તારમાં રહેતાં શખ્સના મકાનમાંથી સ્થાનિક પોલીસે રેઈડ દરમિયાન રૂા.1600 ની કિંમતના 16 નંગ ઈંગ્લીશ દારૂના ચપટા કબ્જે કરી શખ્સની શોધખોળ આરંભી હતી.

દારૂ અંગેના દરોડાની વિગત મુજબ, જામનગર શહેરમાં દિગ્વીજય પ્લોટ 58 વિસ્તારમાં હિંગળાજ ચોકમાં રહેતાં કમલેશ ઉર્ફે કાનો જેન્તી પરમાર નામના શખ્સના મકાનમાં દારૂનો જથ્થો હોવાની બાતમીના આધારે સિટી એ ડીવીઝન પોલીસ સ્ટાફે રેઈડ દરમિયાન તલાસી લેતા મકાનમાંથી રૂા.1600 ની કિંમતના 16 નંગ ઈંગ્લીશ દારૂના ચપટા મળી આવતા હેકો એસ.કે. ઠાકરીયા તથા સ્ટાફે દારૂ કબ્જે કરી કમલેશની શોધખોળ માટે ચક્રો ગતિમાન કર્યા હતાં.