જામનગર શહેરના મોહનનગર આવાસ રોડ પરથી પોલીસે શખ્સને આંતરીને તલાસી લેતા તેના કબ્જામાંથી દારૂની 17 બોટલ અને 120 નંગ ચપટા મળી આવતા ધરપકડ કરી વધુ પૂછપરછ હાથ ધરી હતી.
દરોડાની વિગત મુજબ, જામનગર શહેરમાં મોહનનગર વિસ્તારમાં દારૂના જથ્થા સાથે શખ્સ ઉભો હોવાની હેકો રવિરાજસિંહ જાડેજા, દેવાયત કાંબરીયા અને પોકો વિક્રમસિંહ જાડેજાને મળેલી બાતમીના આધારે પોલીસે પ્રેમસુખ ડેલુની સૂચનાથી પીઆઈ એમ.બી. ગજ્જર, પીએસઆઈ બી.એસ.વાળા, હેકો દેવાયતભાઈ કાંબરીયા, મહિપાલસિંહ જાડેજા, રવિરાજસિંહ જાડેજા, રવિન્દ્રસિંહ પરમાર, સુનિલભાઈ ડેર, પો.કો. શિવરાજસિંહ રાઠોડ, રવિરાજસિંહ જાડેજા, યોગેન્દ્રસિંહ સોઢા, વિક્રમસિંહ જાડેજા, ખોડુભા જાડેજા, શૈલેષભાઈ ઠાકરિયા, રાજેન્દ્રસિંહ ડોડિયા, રૂષિરાજસિંહ જાડેજા, રવિભાઈ શર્મા, મહેન્દ્રભાઈ પરમાર સહિતના સ્ટાફે રેઈડ દરમિયાન વિશાલ ગુણવંતરાય ગોપીયાણી નામના શખ્સને આંતરીને તલાસી લેતા તેના કબ્જામાંથી રૂા.13,800 ની કિંમતના ઇંગ્લીશ દારૂના 120 નંગ ચપટા અને રૂા.11900 ની કિંમતની દારૂની 17 બોટલો સહિત કુલ રૂા.25,700 ની કિંમતનો દારૂનો જથ્થો મળી આવતા પોલીસે શખ્સની ધરપકડ કરી વધુ પૂછપરછ આરંભી હતી.
