જામનગરના ગુલાબનગર રાજપાર્ક ઢાળિયા પાસેથી એલસીબીની ટીમે શખ્સને આંતરીને તલાસી લેતાં તેની પાસેથી રૂા. 9200ની કિંમતની 23 બોટલ દારુ મળી આવતાં ધરપકડ કરી હતી. જામનગર તાલુકાના અલીયા ગામમાંથી પોલીસે દારુની બોટલ સાથે શખ્સને ઝડપી લીધો હતો.
દરોડાની વિગત મુજબ પ્રથમ દરોડો જામનગર શહેરના ગુલાબનગરમાં રાજપાર્ક ઢાળિયા પાસેથી દારુની બોટલો સાથે શખ્સ પસાર થવાની એલસીબીને મળેલી બાતમીના આધારે ટીમે વોચ ગોઠવી બાતમી મુજબનો શખ્સ પસાર થતા આંતરીને તલાસી લેતાં તેના કબજામાંથી રૂા. 9200ની કિંમતની 23 બોટલ દારુ મળી આવતાં એલસીબીએ કમલેશ માયા હાજાણી નામના શખ્સને દબોચી લઇ ગુનો નોંધી પૂછપરછ હાથ ધરી હતી. બીજો દરોડો જામનગર તાલુકાના અલિયા ગામના બનતા પુલીયા નીચેથી પંચ-એ પોલીસ સ્ટાફે વિજયસિંહ જયેન્દ્રસિંહ જાડેજા નામના શખ્સને આંતરીને તલાસી લેતાં તેની પાસેથી 500ની કિંમતની ઇંગ્લીશ દારુની બોટલ મળી આવતાં ધરપકડ કરી આગળની કાર્યવાહી હાથ ધરી હતી.
