જામનગરમાં નાસતાની દુકાનમાંથી દારૂના જથ્થા સાથે શખ્સ ઝડપાયો

જામનગર શહેરના હર્ષદમીલની ચાલી પાસે કેન્ટીનમાંથી પોલીસે રેઈડ દરમિયાન 24 બોટલ દારૂ સાથે શખ્સને ઝડપી લઇ પૂછપરછ હાથ ધરતા સપ્લાયરની સંડોવણી ખુલતા પોલીસે બે શખ્સો વિરૂધ્ધ ગુનો નોંધી તપાસ આરંભી હતી.
આ અંગેની વિગત મુજબ, જામનગરમાં હર્ષદમીલની ચાલી ફુડ ઈવનિંગ કેન્ટીનમાં દારૂનો જથ્થો હોવાની બાતમીના આધારે સિટી એ ડીવીઝન પોલીસ સ્ટાફે રેઈડ દરમિયાન તલાસી લેતા કેન્ટીનમાંથી રૂા.12000 ની કિંમતની 24 બોટલ દારૂ મળી આવતા પોલીસે સંદિપ કાંતિલાલ નંદા નામના શખ્સની ધરપકડ કરી પૂછપરછ હાથ ધરતા દારૂનો જથ્થો સુરેન્દ્રનગર જિલ્લાના માલવણ ગામના અબ્દુલખાન દિલાવરખાન જતમલેક નામના શખ્સે સપ્લાય કર્યો હોવાની કેફીયત આપતા પોલીસે સપ્લાય સહિત બે શખ્સો વિરૂધ્ધ ગુનો નોંધી તપાસ આરંભી હતી.