જામનગર બાયપાસથી નાઘેડી ગામ તરફ જતા રોડ પરથી જામનગર એલસીબી પોલીસે એક શખ્સને મોટરકારમાંથી રૂા.32,800 ની કિંમતની 82 નંગ દારૂની બોટલ સાથે ઝડપી લીધો હતો.
આ અંગેની વિગત મુજબ, જામનગર બાયપાસથી નાઘેડી ગામ તરફ જતા રોડ પર એક શખ્સ મોટરકારમાં દારૂની બોટલ સાથે નિકળવાનો હોવાની એલસીબીના હરદીપભાઈ બારડ તથા ઋષિરાજસિંહ વાળાને મળેલી બાતમીના આધારે જિલ્લા પોલીસવડા પ્રેમસુખ ડેલુની સૂચના અને એલસીબીના પીઆઇ જે.વી.ચૌધરીના માર્ગદર્શન મુજબ પીઆઈ જે.વી. ચૌધરી, પીએસઆઇ આર.કે. કરમટા, એસ.પી. ગોહિલ, પી.એન. મોરી તથા સ્ટાફના સંજયસિંઈહ વાળા, હરપાલસિંહ સોઢા, ભરતભાઈ પટેલ, નાનજીભાઈ પટેલ, દિલીપભાઈ તલવાડિયા, હરદીપભાઈ ઘાઘલ, વનરાજભાઈ મકવાણા, ધાનાભાઈ મોરી, હિતેન્દ્રસિંહ જાડેજા, અરજણભાઈ કોડીયાતર, મયુદીનભાઈ સૈયદ, ક્રિપાલસિંહ જાડેજા, નિર્મળસિંહ જાડેજા, કિશોરભાઈ પરમાર, હરદીપભાઇ બારડ, ઋષિરાજસિંહ વાળા, મયુરસિંહ પરમાર, કલ્પેશભાઈ મૈયડ, ધર્મેન્દ્રસિંહ જાડેજા, દયારામ ત્રિવેદી, બિજલભાઈ બારાસરા સહિતના સ્ટાફ દ્વારા રેઈડ દરમિયાન જીજે-03-એફકે-8368 નંબરની સ્વીફટ કારમાંથી જયદીપ ઉર્ફે દિપુડો લાખા લગારીયા નામના શખ્સને રૂા.32800 ની કિંમતની 82 નંગ દારૂની બોટલ, રૂા.5000 ની કિંમતનો મોબાઇલ ફોન તથા રૂા.3 લાખની કિંમતની મોટરકાર સહિત કુલ રૂા.3,37,800 નો મુદ્દામાલ કબ્જે કર્યો હતો.
