જામનગર સિટી સી પોલીસે કૃષ્ણનગર વિસ્તારમાંથી એક શખ્સને રૂા.28000 ની કિંમતની 56 નંગ દારૂની બોટલ સાથે ઝડપી લીધો હતો અને અન્ય બે શખ્સોની શોધખોળ હાથ ધરી હતી.
આ અંગેની વિગત મુજબ, જામનગર શહેરમાં એમ્યુઝમેન્ટ પાર્ક પાછળ કૃષ્ણનગર શેરી નં.3 માં રહેતો કમલેશ પ્રકાશ કુરપરા નામનો શખ્સ પોતાના રહેણાંક મકાને દારૂનું વેંચાણ કરતો હોવાની સીટી સી ના હેકો નારણભાઈ સદાદીયા તથા પો.કો. હર્ષદભાઈ પરમાર અને હોમદેવસિંહ જાડેજાને મળેલી બાતમીના આધારે જિલ્લા પોલીસવડા પ્રેમસુખ ડેલુની સૂચના અને સીટી બી ના પીઆઈ પી.એલ. વાઘેલાના માર્ગદર્શન હેઠળ પીએસઆઈ વી.એ. પરમાર, હેકો ફેઝલભાઈ ચાવડા, જાવેદભાઈ વજગોળ, પ્રદિપસિંહ જાડેજા, મહેન્દ્રસિંહ ચુડાસમા, પોકો મહેન્દ્રસિંહ જાડેજા, હિતેન્દ્રસિંહ જાડેજા, વિપુલભાઈ સોનગરા, ખીમશીભાઈ ડાંગર, હરદીપભાઈ બારડ, યુવરાજસિંહ જાડેજા સહિતના સ્ટાફ દ્વારા રેઈડ દરમિયાન કમલેશ પ્રકાશ કુરપરા નામના શખ્સને રૂા.28000 ની કિંમતની 56 નંગ દારૂની બોટલ સાથે ઝડપી લીધો હતો અને વિરલ ઉર્ફે વી ડી વિજય દુધરેજીયા તથા કેયુર ઉર્ફે કયલો ગીરીશ ડોબરીયા નામના બે શખ્સોની શોધખોળ હાથ ધરી હતી.
