જામનગર શહેરના દિગ્વીજય પ્લોટ વિસ્તારમાં પાનની દુકાન પાસે મોબાઈલમાં વર્લ્ડ કપમાં નેધરલેન્ડ અને ન્યુઝીલેન્ડ વચ્ચેના ક્રિકેટ મેચ પર જુગાર રમાડતા શખ્સને સીટી એ ડીવીઝન પોલીસે રૂા.3600 ના મુદ્દામાલ સાથે ઝડપી લીધો હતો.
દરોડાની વિગત મુજબ, જામનગર શહેરના 45 દિગ્વીજય પ્લોટ વિસ્તારમાં આવેલી પાનની દુકાન પાસે જાહેરમાં ક્રિકેટનો જૂગાર રમાડતો હોવાની બાતમીના આધારે સિટી એ ડીવીઝન પોલીસ સ્ટાફે રેઈડ દરમિયાન નિલેશ શાંતિલાલ મુંજાલ નામના શખ્સને ભારતમાં રમાતા આઈસીસી ક્રિકેટ વર્લ્ડકપના નેધરલેન્ડ અને ન્યુઝીલેન્ડ વચ્ચેના ક્રિકેટ મેચના જીવંત પ્રસારણ ઉપર રનફેરના સોદા કરી હારજીત કરતો ઝડપી લઇ તેની પાસેથી રૂા.3100 ની રોકડ રકમ અને રૂા.500 ની કિંમતના એક મોબાઇલ મળી કુલ રૂા.3600 ના મુદ્દામાલ સાથે ઝડપી લીધો હતો. પોલીસે પૂછપરછ હાથ ધરતા આ ક્રિકેટના સોદ્દાની કપાત જામનગરના ખોજાભાઈ પાસે કરાવતો હોવાનું ખુલતા પોલીસે બે શખ્સો વિરૂધ્ધ ગુનો નોંધી તપાસ આરંભી હતી.
