જામનગરમાંથી ક્રિકેટનો જૂગાર રમાડતો શખ્સ ઝબ્બે

જામનગર શહેરના આણંદાબાવા ચકલા વિસ્તારમાં વેસ્ટ ઈન્ડીઝ અને શ્રીલંકા વચ્ચે રમાતી 20-20 ક્રિકેટ મેચમાં જૂગાર રમાડતા શખ્સને પોલીસે રૂા.6500 ના મુદ્દામાલ સાથે ઝડપી લીધો હતો.

દરોડાની વિગતમુજબ, જામનગર શહેરમાં આણંદાબાવા ચકલા વિસ્તારમાં નિરવ વિજય શાહ નામનો શખ્સ તેના મોબાઇલમાં શ્રીલંકામાં રમાતી વેસ્ટ ઈન્ડીઝ અને શ્રીલંકા વચ્ચેની 20-20 ક્રિકેટ મેચ ઉપર હારજીતના સોદાઓ પાડી જૂગાર રમાડતો હોવાની બાતમીના આધારે સિટી એ ડીવીઝન પોલીસ સ્ટાફે રેઈડ દરમિયાન નિરવને રૂા.1500 ની રોકડ રકમ અને રૂા.5000 ની કિંમતનો મોબાઇલ ફોન મળી કુલ રૂા.6500 ના મુદ્દામાલ સાથે ઝડપી લઇ ગુનો નોંધી આગળની કાર્યવાહી હાથ ધરી હતી.