વડાપ્રધાન નરેન્દ્ર મોદી દિવાળીની પૂર્વ સંધ્યાએ રવિવારે અયોધ્યામાં હશે. તેઓ રામ લલ્લા વિરાજમાનને પ્રાર્થના કરશે અને રામજન્મભૂમિ તીર્થક્ષેત્રમાં ચાલી રહેલા વિકાસ કાર્યોની સમીક્ષા પણ કરશે. વડા પ્રધાન કાર્યાલયએ જણાવ્યું હતું કે, પીએમ મોદી લગભગ 5.45 વાગ્યે ભગવાન રામનો રાજયાભિષેક કરશે અને તે પછી તેઓ સરયૂ નદીના કિનારે બનેલા નવા ઘાટ પર આરતી પણ કરશે અને દીપોત્સવની ઉજવણીમાં ભાગ લેશે. અયોધ્યામાં આ છઠ્ઠી વખત છે જયારે દીપોત્સવની ઉજવણી કરવામાં આવી રહી છે. આ કાર્યક્રમમાં પ્રથમ વખત વડાપ્રધાન વ્યક્તિગત રીતે ભાગ લેશે. આ પ્રસંગે અયોધ્યામાં 15 લાખ દીવાઓ પ્રગટાવવામાં આવશે.
પીએમએઓએ જણાવ્યું હતું કે, દીપોત્સવ દરમિયાન વિવિધ રાજયોના વિવિધ નૃત્ય સ્વરૂપો સાથે પાંચ એનિમેટેડ ફલોટ્સ અને 11 રામલીલા ટેબ્લોક્સ પણ પ્રદર્શિત કરવામાં આવશે. વડા પ્રધાન સરયુ નદીના કિનારે રામ કી પૈડી ખાતે ભવ્ય મ્યુઝિકલ લેસર શો તેમજ 3-ડી હોલોગ્રાફિક પ્રોજેક્શન મેપિંગ શોના સાક્ષી પણ બનશે.
હકીકતમાં, વડાપ્રધાન નરેન્દ્ર મોદી દિવાળીના એક દિવસ પહેલા એટલે કે 23 ઓક્ટોબર, રવિવારે રામનગરી અયોધ્યામાં દીપોત્સવ કાર્યક્રમમાં હાજરી આપશે. મીડિયા રિપોર્ટ્સ અનુસાર પીએમ મોદી આ દરમિયાન રામનગરી અયોધ્યાને મોટી ભેટ આપી શકે છે. માનવામાં આવી રહ્યું છે કે પીએમ મોદી અયોધ્યામાં લગભગ ચાર હજાર કરોડના ખર્ચની 66 પ્રોજેક્ટનું ઉદ્ઘાટન કરશે.
આ દરમિયાન પીએમ મોદી રામ જન્મભૂમિ તીર્થસ્થળનું પણ નિરીક્ષણ કરશે. આ સાથે રામલલાના દર્શન અને પૂજા પણ થશે. આ સાથે વડાપ્રધાન પ્રતિકાત્મક ભગવાન રામનો રાજયાભિષેક પણ કરશે. આ પછી, તેઓ રામનગરીમાં ભવ્ય દીપોત્સવની ઉજવણીનો પ્રારંભ કરશે. આ ઉપરાંત પીએમ મોદી સરયુ નદીના નવા ઘાટ પર આરતી, 3-ડી હોલોગ્રાફિક પ્રોજેક્શન મેપિંગ શો પણ જોશે.
રામનગરી અયોધ્યામાં આ પહેલો પ્રસંગ છે જયારે વડાપ્રધાન અંગત રીતે ભાગ લઈ રહ્યા છે. આ દરમિયાન અહીં 15 લાખથી વધુ દીવા પ્રગટાવવામાં આવશે. દીપોત્સવ દરમિયાન વિવિધ રાજયોના નૃત્ય સ્વરૂપો સાથે પાંચ એનિમેટેડ ટેબ્લોક્સ અને 11 રામલીલા ટેબ્લોક્સ પણ પ્રદર્શિત કરવામાં આવશે. તે જ સમયે, યોગી સરકાર પીએમ મોદીની મુલાકાતની તૈયારીમાં વ્યસ્ત છે. આ માટે સીએમ યોગી પોતે અયોધ્યા પહોંચ્યા અને તૈયારીઓનું નિરીક્ષણ કર્યું હતું.
