એસ.એસ.સી.આઇ. નવીદિલ્હી દ્વારા ગ્રામ્ય યુવાનોને સિક્યોરીટી ટ્રેનિંગ એન્ડ પ્લેસમેન્ટ માટે એક દિવસીય તાલિમ કાર્યક્રમ ભરતી પ્રક્રિયાનું આયોજન કરવામાં આવ્યું હતું. જેમાં ઉમેદવારો પાસેથી રૂા. 350 ફી ઉઘરાવવામાં આવતી હોય, આ અંગે તાલુકા વિકાસ અધિકારીને કોઇ જાણ ન હોય, ઉમેદવારોમાં નારાજગી જોવા મળી રહી હતી.
વિશેષ ભરતી અભિયાન જામનગર અંતર્ગત સુરક્ષા જવાન તથા સુરક્ષા સુપરવાઇઝર માટે ભરતી પ્રક્રિયાની તા. 13 થી 18 સુધી જામનગર જિલ્લાના છ તાલુકાઓમાં આયોજન કરવામાં આવ્યું હતું. તાલુકા પંચાયત કચેરીના સભાખંડમાં તાલિમ સહિતની પ્રક્રિયા હાથ ધરવામાં આવી હતી. આ ભરતી પ્રક્રિયામાં ઉમેદવારો પાસેથી રજીસ્ટ્રેશન ફીના નામે રૂા. 350 ઉઘરાવવામાં આવ્યા હતાં. આ અંગે તાલુકા વિકાસ અધિકારી પાસે કોઇ માહિતી ન હોય અને રજીસ્ટ્રેશન ફી ઉઘરાવવામાં આવી રહી હોય. ઉમેદવારોમાં રોષની લાગણી છવાઇ હતી.
