મોરારદાસ ખંભાલિડા ગામમાં ખેડૂતની આત્મહત્યા

જામનગર જિલ્લાના મોરારદાસ ખંભાલિડા ગામમાં રહેતા ખેડૂત યુવાને બીમારીથી કંટાળીને તેના ઘરે ગળેફાંસો ખાઈ આત્મહત્યા કર્યાના બનાવમાં પોલીસે તપાસ હાથ ધરી હતી.

આ અંગેની વિગત મુજબ, જામનગર જિલ્લાના મોરારદાસ ખંભાલિડા ગામમાં રહેતાં અને ખેતી કરતા બળદેવસિંહ વનરાજસિંહ જાડેજા (ઉ.વ.25) નામના યુવાનને બે માસ અગાઉ માથાના ભાગે ઈજા થઈ હતી અને આ ઈજાની સારવાર ચાલુ હતી તે દરમિયાન જિંદગીથી કંટાળીને શનિવારે રાત્રિના સમયે તેના ઘરના પંખામાં લુંગી વડે ગળેફાંસો ખાઈ આત્મહત્યા કરી હતી. આ અંગેની જાણ વનરાજસિંહ જાડેજા દ્વારા કરાતા હેકો એન.વી. ગઢવી તથા સ્ટાફ ઘટનાસ્થળે દોડી ગયો હતો અને મૃતદેહનો કબ્જો સંભાળી પીએમ માટે મોકલી આગળની કાર્યવાહી હાથ ધરી હતી.