જામનગરના તાલુકાના મોટી ભલસાણમાં યુવાને ઝેરી દવા ગટગટાવી

જામનગર તાલુકાના મોટી ભલસાણ ગામમાં રહેતા યુવાને અગમ્ય કારણોસર ઝેરી દવા પી આપઘાતનો પ્રયાસ કરતા સારવાર માટે જી.જી.હોસ્પિટલમાં ખસેડવામાં આવ્યો હતો જ્યાં તેનું મોત નિપજ્યાનું તબીબોએ જાહેર કર્યુ હતું.

આ અંગેની વિગત મુજબ, જામનગર તાલુકાના મોટી ભલસાણ ગામમાં રહેતા મનોરથભાઈ ખીમજીભાઈ (ઉ.વ.35) નામના યુવાને આજે સવારે કોઇ અગમ્યકારોણસર ઝેરી દવા પી આપઘાતનો પ્રયાસ કર્યો હતો. આ અંગેની જાણ થતા 108 એમ્બ્યુલન્સની ટીમ તાત્કાલિક ઘટનાસ્થળે દોડી ગઈ હતી અને યુવાનને સારવાર માટે જામનગરની જી. જી. હોસ્પિટલમાં ખસેડવામાં આવ્યો હતો. જોકે, યુવાનને સારવાર આપવામાં આવે તે પહેલાં જ તેનું મોત નિપજ્યું હતું. બનાવની જાણ થતા પોલીસે હોસ્પિટલ પહોંચી જઈ મૃતદેહનો કબ્જો સંભાળી પીએમ માટે મોકલી વધુ તપાસ હાથ ધરી હતી.