મુસાફરોને વધુ આરામદાયક અને સલામત મુસાફરીનો અનુભવ આપવા માટે પશ્ચિમ રેલવે દ્વારા રાજકોટ ડિવિઝનમાં થી દોડતી ટ્રેન નંબર 19578/19577 જામનગર-તિરુનેલવેલી અને ટ્રેન નંબર 22908/22907 હાપા-મડગાંવ એક્સપ્રેસ ટ્રેનોને પરંપરાગત રેક ની જગ્યાએ LHB રેકથી બદલવાનો નિર્ણય લેવામાં આવ્યો છે.
ટ્રેન નંબર 19578/19577 જામનગર-તિરુનેલવેલી એક્સપ્રેસ જામનગરથી 26.8.2023થી અને 29.8.2023થી તિરુનેલવેલીથી LHB રેક સાથે દોડશે. એ જ રીતે ટ્રેન નંબર 22908/22907 હાપા-મડગાંવ એક્સપ્રેસ
30.8.2023થી હાપાથી LHB રેક સાથે અને 1.9.2023થી મડગાંવથી LHB રેક સાથે દોડશે. આ બંને ટ્રેનોમાં કુલ 22 કોચ હશે જેમાં 2 સેકન્ડ એસી, 6 થર્ડ એસી, 8 સેકન્ડ સ્લીપર, 3 જનરલ, 1 પેન્ટ્રી કાર, 1 લગેજ વાન અને 1 જનરેટર વેન કોચ હશે.
જામનગર સ્ટેશન પર 26 ઓગસ્ટ, 2023ના રોજ રાત્રે 8:30 વાગ્યે યોજાનાર એક કાર્યક્રમમાં સંસદસભ્ય પૂનમબેન માડમ અન્ય મહાનુભાવોની ઉપસ્થિતિમાં ટ્રેન નંબર 19578 જામનગર-તિરુનેલવેલી એક્સપ્રેસને લીલીઝંડી બતાવશે અને નવા રૂપાંતરિત LHB રેકના પરિચાલનનું શુભારંભ કરશે.
