ચોરાઉ મોટર સાયકલ સાથે એક શખ્સ ઝડપાયો

જામનગર શહેરમાં સીટી સી પોલીસે એક શખ્સને ચોરાઉ મોટર સાયકલ સાથે ઝડપી લઇ કાયદેસરની કાર્યવાહી હાથ ધરી હતી.

આ અંગેની વિગત અનુસાર જામનગર સીટી સી ડિવીઝનમાં નોંધાયેલા બાઇક ચોરીના કેસમાં સીટી સી પોલીસના સ્ટાફ દ્વારા વોચ ગોઠવવામાં આવી હતી. આ દરમ્યાન સીટી સીના સ્ટાફને મળેલ બાતમીને આધારે પીયુષ હર્ષદ ચૌહાણ નામનો શખ્સ જી.જે-10 સીએ 9865 નંબરનું મોટરસાયકલ લઇ નિકળતાં આ મોટર સાયકલ ચોરાઉ હોવાનું સામે આવતાં સીટી પોલીસ સ્ટાફ દ્વારા આરોપી પિયુષને રૂા. 20,000ની કિંમતના મોટર સાયકલ સહિતના મુદામાલ સાથે ઝડપી લીધો હતો.