જામનગરના પટણીવાડમાં ઘોડીપાસાનો જૂગાર રમતા બે શખ્સોને સીટી એ ડીવીઝન પોલીસ સ્ટાફે રૂા.11,040 ની રોકડ રકમ સાથે ઝડપી લઇ આગળની કાર્યવાહી હાથ ધરી હતી. જામનગર શહેરમાં ગાંધીનગર વિસ્તારમાં ઘોડીપાસાનો જૂગાર રમતા ચાર શખ્સોને સીટી બી ડીવીઝન પોલીસ સ્ટાફે 3160 ની રોકડ રકમ અને ઘોડીપાસાના બે નંગ સાથે ઝડપી લીધા હતાં. જામનગર તાલુકાના જીવાપર ગામમાંથી તીનપતિનો જૂગાર રમતા સાત મહિલાઓને પોલીસે રૂા.10490 ની રોકડ રકમ સાથે ઝડપી લીધા હતા.
જૂગાર દરોડાની વિગત મુજબ, જામનગરના પટણીવાડ ચમારવાસમાં જાહેરમાં ઘોડીપાસાનો જૂગાર રમતા હોવાની મળેલી બાતમીના આધારે સીટી એ ડીવીઝન પોલીસ સ્ટાફે રેઈડ દરમિયાન અબ્દુ મહમદહુશેન ખતાયુ, સુરેશ રમેશ બોરસરા નામના બે શખ્સોને રૂા.11040 ની રોકડ રકમ અને ઘોડીપાસાના બે નંગ સાથે ઝડપી લઇ આગળની કાર્યવાહી હાથ ધરી હતી.
જામનગર શહેરમાં ગાંધીનગર પુનિતનગર વિસ્તારમાં જાહેરમાં ઘોડીપાસાનો જૂગાર રમતા હોવાની બાતમીના આધારે સીટી બી ડીવીઝન પોલીસ સ્ટાફે રેઈડ દરમિયાન રમેશ શેખા પરમાર, વિજય હરસુખ મકવાણા, રાહુલ જશરાજ પરમાર, સંજય રમેશ સોલંકી નામના ચાર શખ્સોને રૂા.3160 ની રોકડ રકમ અને ઘોડીપાસાના બે નંગ સાથે ઝડપી લઇ આગળની કાર્યવાહી હાથ ધરી હતી. બીજો દરોડો, જામનગર તાલુકાના જીવાપર ગામમાં જાહેરમાં તીનપતિનો જૂગાર રમતા સાત મહિલાઓને સીક્કા પોલીસે રેઇડ દરમિયાન રૂા.10,490 ની રોકડ રકમ અને ગંજીપના સાથે ઝડપી લઇ આગળની કાર્યવાહી હાથ ધરી હતી.
