સગાઈ થતી ન હોય યુવાને ગળેફાંસો ખાઈ જિંદગી ટૂંકાવી

લાલપુર તાલુકાનામાં યુવાને સગાઈ થતી ન હોય જિંદગીથી કંટાળી જઇ પોતાના ઘરે ગળેફાંસો ખાઈ જિંદગી ટૂંકાવી હતી.

બનાવની વિગત મુજબ, જામનગર જિલ્લાના લાલપુર તાલુકાના રીંજપર વાડી વિસ્તારમા રહેતા અને ખેતીકામ કરતા વજશીભાઈ ઉકાભાઇ બેલા (ઉ.વ.35)ને દારૂ પીવાની ટેવ હોય અને સગાઈ થતી ન હોય તેના કારણે ઘણા દિવસથી ગુમસુમ રહેતાં હતાં અને પોતાની બીમારીની પણ દવા ચાલુ હોય ગઈકાલે જિંદગીથી કંટાળી જઈ પોતાના ઘરે ગળેફાંસો ખાઇ આપઘાત કર્યો હતો. આ અંગે ખીમાભાઈ બેલા દ્વારા જાણ કરાતા હેકો એન.પી.વસરા સહિતનો સ્ટાફ ઘટનાસ્થળે દોડી જઈ મૃતદેહનો કબ્જો સંભાળી પીએમ માટે મોકલી વધુ તપાસ હાથ ધરી હતી.