બાળા ગામના માનસિક બીમાર વૃધ્ધાનો આપઘાત

જામનગર તાલુકાના બાળા ગામમાં રહેતાં માનસિક બીમાર વૃધ્ધાએ તેના ઘરેથી નિકળીને સૂર્યપરા ગામમાં જવાના રસ્તે આવેલા ચેક ડેમમાં પડીને આપઘાત કર્યાના બનાવમાં પોલીસે તપાસ આરંભી હતી.

બનાવની વિગત મુજબ, જામનગર તાલુકાના બાળા ગામમાં આવેલી સુથાર શેરીમાં રહેતા રમાબેન મનસુખભાઈ પીઠડીયા (ઉ.વ.65) નામના વૃધ્ધા છેલ્લાં માનસિક બીમાર હતા અને આ દરમિયાન બુધવારે વહેલીસવારના સમયે તેના ઘરેથી નિકળી જઇ સૂર્યપરા ગામે જવાના માર્ગ પર આવેલા આશાપુરા ફાર્મ સામેના ચેકડેમમાં પડીને આપઘાત કર્યો હતો. આ અંગેની મૃતકના પુત્ર જીજ્ઞેશ દ્વારા જાણ કરાતા હેકો સી.ડી.જાટીયા તથા સ્ટાફે સ્થળ પર પહોંચી જઇ મૃતદેહનો કબ્જો સંભાળી આગળની તપાસ હાથ ધરી હતી.