ગૂડ્ઝ એન્ડ સર્વિસ ટેક્સ દરોની સમીક્ષા કરતા મંત્રીઓના જૂથે પ્રમાણમાં સસ્તા હોટેલ રૂમમાં રહેવા, ટેરિફ થ્રેશોલ્ડથી ઉપરના હોસ્પિટલના રૂમ અને નાણાકીય ક્ષેત્ર દ્વારા પૂરી પાડવામાં આવતી સેવાઓ સહિત અનેક સેવાઓ પર મુક્તિ દૂર કરવાની દરખાસ્ત કરી છે. રેવન્યુ ન્યુટ્રલ રેટ ને હવે 11 % થી થોડો ઉપર વધારવાના આદેશને અનુરૂપ, કર્ણાટકના મુખ્ય પ્રધાન બસવરાજ બોમાઈની આગેવાની હેઠળના જૂથે પણ ઈલેક્ટ્રોનિક્સ વેસ્ટ પર જીએસટી દર 5% થી વધારીને 18 % કરવાનો પ્રસતાવ મૂકયો છે.
ઉપરાંત પેટ્રોલિયમ અને કોલ-બેડ મિથેનના અન્વેષણને લગતી ચીજવસ્તુઓ અને સેવાઓ માટે દરમાં વધારો કરવાની દરખાસ્ત છે. આ પ્રવૃત્તિઓ પર અત્યારે 5%ના સૌથી નીચા જીએસટી સ્લેબ પર ટેક્સ લાગે છે. જીઓએમએ હવામાન આધારિત પાક વીમા યોજનાઓ અને સરકારને અપાતી જીએસટી નેટવર્ક સેવાઓ જેવી મુક્તિ આપવામાં આવેલ યોજનાઓના પુન:વીમા માટેની મુક્તિને દૂર કરવાની પણ દરખાસ્ત કરી હતી. ઇન્વર્ટેડ ડ્યુટી સ્ટ્રક્ચર્સના અવશેષ કેસોને સુધારવાના હેતુથી પણ કેટલીક દરખાસ્તો કરવામાં આવી છે.
જીએસટી સ્લેબની પુન:રચના અંગે જીઓએમએ હજુ સુધી તેના મંતવ્યો મક્કમ કર્યા નથી ત્યારે પણ આ ફેરફારો પ્રસ્તાવિત છે. જીએસટી સ્લેબના ઓવરઓલ સ્લેબની – હાલમાં ચાર, 5 %, 12 %, 18 % અને 28 % – સ્લેબની સંખ્યામાં ઘટાડો અને વધારો થવાની ધારણા છે. જીએસટી કાઉન્સિલ દ્વારા દરખાસ્તો પર વિચારણા કરવામાં આવશે, જેમાં કેન્દ્રીય નાણા પ્રધાન અને રાજ્યોના નાણા પ્રધાનોનો સમાવેશ થાય છે, તે 28-29 જૂનના રોજ ચંદીગઢમાં મળનારી છે.
જો કે, સતત ઊંચા ફુગાવાના પગલે સ્લેબ પુન:સ્થાપિત કરવામાં વિલંબ થવાની સંભાવના છે. 132 વધારવાના ઉદ્દેશ્ય સાથેનું પુનર્ગઠન અનિવાર્યપણે મોટી સંખ્યામાં માલસામાન અને સેવાઓના દરમાં વધારો કરશે અને તેના કારણે સ્ટોક ફુગાવો વધશે. 17 જૂને વર્ચ્યુઅલ રીતે મળેલી જીઓએમએ જીએસટી કાઉન્સિલ પાસેથી જીએસટી સ્લેબના પુનર્ગઠન અંગેના તેના મુખ્ય અહેવાલને અંતિમ સ્વરૂપ આપવા માટે વધુ સમય માંગવાનું નક્કી કર્યું છે.
સૂત્રોએ જણાવ્યું હતું કે જીઓએમએ રૂ. 1,000થી નીચેના હોટલના આવાસ પર 16ના દરે 651’ વસૂલવાનું સૂચન કર્યું હતું, જે પગલું જે હોટલ ઉદ્યોગના મોટા વર્ગને જીએસટીના દાયરામાં લાવશે. હાલમાં, રૂ. 1,000 થી ઓછી ટેરિફ ધરાવતા હોટેલ રૂમ પર કોઈ જીએસટી લાગતો નથી.
જ્યારે 1,001 અને 7,500 ની વચ્ચેના ટેરિફવાળા રૂમ પર 12 % અને વધુ મોંઘા રૂમ પર 18 % ટેક્સ લાગે છે. તેવી જ રીતે, જ્યારે તમામ હોસ્પિટલ સેવાઓને હાલમાં જીએસટીમાંથી મુક્તિ આપવામાં આવી છે, ત્યારે જીઓએમએ 5,000 કે તેથી વધુના દૈનિક ટેરિફ સાથે હોસ્પિટલના રૂમ પર ઇનપુટ ટેક્સ ક્રેડિટ વિના પુ વસૂલવાનું સૂચન કર્યું છે. આ પગલું એ હકીકતને ધ્યાનમાં રાખીને કરવામાં આવ્યું છે કે હાઈ-એન્ડ હોસ્પિટલો હવે દર્દીઓને પ્રીમિયમ આવાસ પ્રદાન કરી રહી છે. જો કે, આઇસીયુ સંબંધિત રૂમ ટેરિફમાં મુક્તિ ચાલુ રહેશે.
