સુરતના કતારગામમાં કારખાનાની મરામત વખતે અચાનકથી દીવાલ અને સ્લેબ ધરાશાઈ થઈને પાર્કિંગ સાઇડ પડતા 2 લોકોના મોત નીપજ્યા છે. પાર્કિંગની સાઈડમાં કાટમાળ પડતા પાર્ક કરેલી 2 કાર સહીત 30 જેટલા વાહનોમાં નુકશાન થયું છે. તેમજ ત્યાં ઉભેલા ચાર જેટલા લોકો પર દીવાલ ધરાશાઈ થતા 2 લોકોનું દટાઈ જવાથી મૃત્યુ નીપજ્યું છે. આ સમગ્ર ઘટનાના હચમચાવી દે તેવા સીસીટીવી સામે આવ્યા છે.
#surat #video #CCTV #news #Khabargujarat
સુરતના કતારગામમાં જરીવાલા કંપાઉન્ડમાં કારખાનાની દીવાલ અને સ્લેબ ધરાશાઈ થતા 2 લોકોના મૃત્યુ
2 કાર સહીત 30 જેટલા વાહનોમાં નુકશાન
પોલીસે જવાબદારો સામે ગુન્હો નોંધી કાર્યવાહી શરુ કરી pic.twitter.com/EbEokrcFex
— Khabar Gujarat (@khabargujarat) March 26, 2022
સુરતના કતારગામમાં જરીવાલા કંપાઉન્ડમાં કારખાનાની મરામત વખતે બ્રેકર મશીનથી આરસીસી સ્ટ્રક્ચર તોડતી વખતે દીવાલ ધરાશાઈ થતા આ દુર્ઘટના સર્જાઈ છે. બિલ્ડિંગના માલિક ભાનુ ધાનાણીને પાલિકા દ્વારા અગાઉ બે વખત નોટિસ અપાઇ હતી. છતાં પણ તેઓની બેદરકારી બદલ પોલીસે ગુન્હો નોંધી વધુ કાર્યવાહી હાથ ધરી છે. આ દુર્ઘટનામાં રોહિત રાજુ રાઠોડ નામના 21 વર્ષીય યુવક અને સમીર મતીઉલ્લાહ શેખ નામના 28 વર્ષીય યુવકનું મોત નીપજતા પરિવારજનોએ પણ જવાબદારો સામે કડક કાર્યવાહી કરવાની માંગ કરી છે.
