જામનગરમાં ભાજપાના હોદ્દેદારો-કાર્યકરોએ નિહાળી ‘ધ કાશ્મીર ફાઈલ્સ’ ફિલ્મ

કાશ્મીરી પંડીતોના વિસ્થાપને રજૂ કરતી બહુચર્ચિત ફિલ્મ ‘ધ કાશ્મીર ફાઈલ્સ’ હાલમાં લોકોને ખૂબ પસંદ પડી રહી છે. ત્યારે આજરોજ જામનગરના મેહુલ સિનેમેકસમાં ભારતીય જનતા પાર્ટી દ્વારા વિશેષ શોમાં કાર્યકર્તાઓ સાથે આ ફિલ્મ નિહાળી હતી.

આ તકે જામનગરના વતની અને તિરંગા ફિલ્મ ફેમ દિગ્દર્શક મેહુલકુમાર પણ વિશેષ ઉપસ્થિત રહ્યાં હતાં. આ ઉપરાંત પૂર્વ કેબિનેટ મંત્રી તથા ધારાસભ્ય આર.સી. ફળદુ, શહેર ભાજપા મહામંત્રી મેરામણભાઈ ભાટુ, પ્રકાશભાઈ બાંભણિયા, ભાજપા અગ્રણી મનહરભાઈ ત્રિવેદી, દિનેશભાઈ પટેલ સહિતના ભાજપાના હોદ્ેદારો-અગ્રણીઓ-કાર્યકરો ઉપસ્થિત રહ્યાં હતાં.