લાલપુરના ખેંગારપૂરના પાટિયા પાસે પાસેથી બાઈક ચોરી કરી શખ્સ ફરાર

જામનગર જીલ્લાના લાલપુર તાલુકાના ખેંગારપૂરના પાટિયા પાસે હોટેલની બહાર બાઈક પાર્ક કરીને રાખ્યું હોય કોઈ અજાણ્યો શખ્સ ચોરી કરીને નાશી છુટ્યો છે. ચોરીની આ ઘટના અંગે યુવકે લાલપુર પોલીસ દફતરમાં ફરિયાદ નોંધાવતા પોલીસે તપાસ હાથ ધરી છે.

મૂળ મધ્યપ્રદેશના અને હાલ લાલપુર તાલુકામાં ગલ્લાગામમાં રહેતા અને ખેત મજુરી કરતા પીન્ટુભાઈ દોબલીયાભાઈ ભુરીયાએ લાલપુર તાલુકાના ખેંગારપૂરના પાટિયા પાસે હોટેલની બહાર પોતાનું હોન્ડા સ્પ્લેન્ડર પ્લસ બાઈક જેના નંબર જીજે-10-એઆર-5139 પાર્ક કરીને રાખ્યું હતું જે કોઈ અજાણ્યો શખ્સ ચોરી કરીને નાશી છુટ્યો હતો. આ અંગે પીન્ટુભાઈએ લાલપુર પોલીસ સ્ટેશનમાં ફરિયાદ નોંધાવતા પોલીસે અજાણ્યા શખ્સની તપાસ હાથ ધરી છે.