જામનગર શહેરની મધ્યમાં આવેલા ચાંદીબજાર વિસ્તારમાં શેઠજી દેરાસરમાં મુળનાયક ભગવાન આદિનાથદાદા છે. ગઇકાલે ભગવાન આદિનાથદાદાનું નિર્વાણ કલ્યાણક હતું. જે નિમિત્તે શેઠજી દેરાસરમાં સવારે 7 કલાકે વર્ધમાન શક્રસ્તવ અભિષેકની ઉછામણી બોલાઇ હતી. ભગવાનને અભિષેક સમયે ચંદન-કેશર, પુષ્પ-આભૂષણ પૂજા કરાઇ હતી.
- Advertisement -
સવારે સૂર્યોદય તથા સૂર્યાસ્ત સમયે દાદાને સામુહિક 108 પ્રદક્ષિણા આપવામાં આવી હતી. ત્યારબાદ રાત્રીના દાદાને ભવ્યાતિભવ્ય અંગરચના કરવામાં આવી હતી. સાંજે 7 થી 9:30 સુધી ભક્તિભાવના સંગીતકાર રોહનભાઇને જૈન-જૈનેતર ભાઇ-બહેનોને ભક્તિ રસતરબોળ કર્યા હતાં. ત્યારબાદ ભગવાનને આરતી-મંગળ દિવો કરવામાં આવ્યા હતાં.
- Advertisement -
