ગુજરાત પ્રદેશની સૂચનાથી જામનગર શહેર કોંગ્રેસ દ્વારા આજથી ન્યાય યાત્રાનો પ્રારંભ કરાયો છે. કોરોના કાળમાં મૃત્યુ પામેલ લોકોના ઘરે જઈ સ્ટિકર લગાવી કોંગ્રેસ દ્વારા તેમના ગ્રુપમાં સહભાગી થવા આ ન્યાય યાત્રાનું આયોજન કરાયું છે.
જામનગર શહેર-જિલ્લા કોંગ્રેસ દ્વારા આજથી કોરોના કાળમાં સરકાર નિષ્ફળ ગઈ હોવાના આક્ષેપ સાથે ન્યાય યાત્રાનો પ્રારંભ કર્યો હતો. વોર્ડ નં.1 માંથી સર્જાયેલી આ ન્યાય યાત્રા દ્વારા કોંગ્રેસ કોરોનામાં મૃત્યુ પામેલા પરિવારના ઘરે જાશે અને કમભાગીઓના ઘરે સ્ટીકર લગાવ્યા હતાં અને કોરોનામાં મૃત્યુ પામેલ કમભાગીઓના પરિવારોને મળી સાંત્વના પાઠવી હતી.
આ ન્યાય યાત્રામાં ધારાસભ્ય વિક્રમભાઈ માડમ પણ જોડાયા હતાં. આ ઉપરાંત જામનગર શહેર કોંગ્રેસ પ્રમુખ વિરેન્દ્રસિંહ જાડેજા, કોર્પોરેટર નુરમામદ પલેજા, રચનાબેન નંદાણિયા, જેનબબેન ખફી, સહારાબેન મકવાણા સહિતના કોંગ્રેસના અગ્રણીઓ-હોદ્દેદારો વગેરે ઉપસ્થિત રહ્યા હતાં.
