સોમનાથના સાનિધ્યે અદ્યતન અતિથિગૃહનું લોકાર્પણ

ભગવાન સોમનાથના સાનિધ્યમાં રૂા. 30.55 કરોડના ખર્ચે નિર્માણ પામેલાં અદ્યતન અતિથિગૃહનું પ્રધાનમંત્રી મોદીએ આજે વર્ચ્યઉલ લોકાર્પણ કર્યુ હતું. આ તકે મુખ્યમંત્રી ભૂપેન્દ્ર પટેલ પણ વિડીયો કોન્ફરન્સના માધ્યમથી જોડાયા હતા.

સોમનાથ મંદિરની બાજુમાં જ 15 હજાર ચોરસ મીટર વિસ્તારમાં ચાર માળના આલીશાન અતિથિગૃહનું નિમાર્ણ કરવામાં આવ્યું છે. અદ્યતન સુવિધા સાથેના આ અતિથિગૃહમાં બે વીવીઆઇપી સ્યુટ, 8 વીઆઇપી રૂમ, 24 ડિલકસ રૂમ, જનરલ અને વીઆઇપી ડાઇનિંગ, કોન્ફરન્સ રૂમ તેમજ 200 લોકોને સમાવતાં ઓડિટોરિયમ હોલની સુવિધા વિકસાવવામાં આવી છે. આ અતિથિગૃહની ખાસિયત એ છે કે, તેને ‘ૐ’ આકારમાં બનાવવામાં આવ્યું છે. જે મહાદેવનું પ્રતિક છે.

આ અતિથિગૃહમાં ઉતરનારા અતિથિઓ અરબી સમુદ્ર અને ભગવાન સોમનાથના મંદિરનો અદભૂત નઝારો માણી શકશે.