ભાટીયાનો યુવાન ક્રિકેટનો સટ્ટો ખેલતા ઝડપાયો

કલ્યાણપુર તાલુકાના ભાટીયા ગામે આવેલી શ્રીજી સોસાયટીમાં રહેતા દિનેશગીરી ભવાનગીરી ગોસ્વામી નામનો શખ્સ પોતાના મોબાઈલ ઉપર ચોક્કસ એપ ડાઉનલોડ કરી અને રમાઈ રહેલા ક્રિકેટ મેચ ઉપર હાર-જીત કરતા પોલીસે ઝડપી લીધો હતો. પકડાયેલા આ શખ્સ પાસેથી પોલીસે રૂા. 5,150 રોકડા તથા પાંચ હજારની કિંમતનો એક મોબાઈલ ફોન મળી કુલ રૂા.10,150 નો મુદ્દામાલ કબજે કરી, જુગારધારાની કલમ મુજબ કાર્યવાહી કરી હતી. ઝડપાયેલા ઉપરોક્ત શખ્સ દ્વારા આ પ્રકરણમાં કચ્છ જિલ્લાના ભુજ તાલુકાના માધાપર ખાતે રહેતા વિપુલ પ્રવીણભાઈ લાબડીયા (પંડ્યા) નામના શખ્સનું નામ જાહેર કરવામાં આવ્યું છે.