કાલાવડના ભગેડીમાં પ્રૌઢનું હૃદયરોગના હુમલાથી મોત

કાલાવડ તાલુકાના ભગેડી ગામના સીમ વિસ્તારમાં રહેતા પ્રૌઢને છાતીમાં દુ:ખાવો થવાથી કાલાવડની સરકારી હોસ્પિટલમાં ખસેડવામાં આવતા સારવાર દરમિયાન મોત નિપજ્યું હતું.

આ અંગેની વિગત મુજબ, કાલાવડ તાલુકાના ભગેડી ગામાં રહેતા દેવશી વાલા મકવાણા (ઉ.વ.55) નામના પ્રૌઢને શુક્રવારે સવારના સમયે તેના ઘરે છાતીમાં દુ:ખાવો ઉપડતા સારવાર માટે કાલાવડની સરકારી હોસ્પિટલમાં ખસેડવામાં આવતાં જ્યાં તેમનું મોત નિપજ્યાનું તબીબોએ જાહેર કર્યુ હતું. આ અંગે મૃતકના પુત્ર વિનેશ દ્વારા જાણ કરાતા હેકો પી.કે. વાઘેલા તથા સ્ટાફે હોસ્પિટલ પહોંચી જઈ મૃતદેહનો કબ્જો સંભાળી આગળની કાર્યવાહી હાથ ધરી હતી.