જામનગરમાં મોરકંડા રોડ પર ગેરકાયદેસર મકાન તોડી પડાયું

જામનગર શહેરમાં આવેલા મોરકંડાની મુખ્ય કેનાલ ઉપર ખડકાયેલું ગેરકાયદેસર બાંધકામ આજે મહાનગરપાલિકાની એસ્ટેટ શાખા દ્વારા તોડી પાડવામાં આવ્યું હતું. આ અંગેની વિગત મુજબ, જામનગર શહેરમાં મોરકંડા રોડ પર આવેલી મુખ્ય કેનાલ ઉપર 1200 ફૂટનો ગેરકાયદેસર બાંધકામ ખડકાઈ ગયું હતું. આ ગેરકાયદેસર બાંધકામ ધારકને મહાનગરપાલિકાની એસ્ટેટ શાખા દ્વારા નોટિસ ફટકારવામાં આવી હતી. પરંતુ, નોટિસની અવગણના કરી મકાન ખાલી કરવામાં આવ્યું ન હતું. જેથી આજે મહાનગરપાલિકાની એસ્ટેટ શાખાના અધિકારીઓ દ્વારા ગેરકાયદેસર મકાન ખાલી કરાવી તોડી પાડવાની કામગીરી કરવામાં આવી હતી.