દરેક ઘરની બહાર કાર કે બાઈક પાર્ક કરેલ તમે જોઈ હશે પરંતુ એક જગ્યા એવી છે કે જ્યાં દરેક ઘરની બહાર પ્લેન પાર્ક કરેલ છે. અને આ જગ્યા છે અમેરિકાના કેલીફોર્નીયાના એરપાર્ક વિસ્તારમાં દરેક ઘરની બહાર એક પ્લેન પાર્ક થયેલ જોવા મળે છે.અને અહિયાં આવનાર દરેક વ્યક્તિ ઘરની બહાર પાર્ક કરેલ પ્લેનને જોઈને અચંબો પામી જાય છે.
જાપાનના હિરોશિમા અને નાગાસાકીમાં અમેરિકાના એરફોર્સે જ અણુંબોબ ફેંકીને તબાહી મચાવી હતી. એ સમયે અમેરિકા પાસે ૪૦ હજાર લડવૈયા પાયલોટ હતા. વિશ્વયુધ્ધ પછી જયારે પાયલોટ નિવૃત થયા ત્યારે તેમના રહેણાંક તૈયાર કરીને વસાવવાનો નિર્ણય કરવામાં આવ્યો હતો. આ વસાહતોને ફલાઇ ઇન ક્મ્યૂનિટીઝ તરીકે નામ આપવામાં આવ્યું છે. જેમાં એરપાર્ક નામના વિસ્તારમાં તૈયાર કરવામાં આવેલા ઘરોની બહાર વિમાનો પણ ગોઠવવામાં આવ્યા હતા. આ રહેણાંક વિસ્તારમાં જે પણ જાય છે તે દરેક ઘર બહાર વિમાન પાર્ક થયેલા જોઇને અચરજ પાંમે છે. આ વિસ્તારના રસ્તાઓ પણ એ જ રીતે બનાવવામાં આવ્યા છે કે ત્યાં વિમાનો પણ ઉડાડી શકાય છે.
આ એરપાર્કમાં દરેક ઘરમાં પ્લેન છે. દુનિયામાં આવા 630થી પણ વધારે એરપાર્ક છે જે પૈકી 610 અમેરિકામાં છે. વર્ષ 1946માં કેલીફોર્નીયામાં વર્ષ 1946માં પ્રથમ એરપાર્કની સ્થાપના કરવામાં આવી હતી.
