તમાચણ ગામે બે ડમ્પરમાંથી 4 બેટરીની ચોરી

જામનગર જીલ્લાના તમાચણ ગામે રહેતા બે વ્યક્તિએ બારેક દિવસ અગાઉ પોતાના ઘરની બહાર ખુલ્લી જગ્યામાં તેના ડમ્પર પાર્ક કરીને રાખ્યા હતા તે દરમિયાન બંને ડમ્પરમાંથી રૂ.15500ની કિંમતની 4 બેટરીની ચોરી કરીને કોઈ અજાણ્યા શખ્સ નાશી છુટ્યા હતા. જે વિરુધ પંચકોશીએ ડીવીઝન પોલીસ દફતરમાં ફરિયાદ નોંધાવવામાં આવી છે.

જામનગર જીલ્લાના તમાચણ ગામે રહેતા ક્રીપાલસિંહ પ્રવીણસિંહ પરમાર નામના ડ્રાઈવરે ગત તા.23 ફેબ્રુઆરીના રોજ પોતાના ઘરની બાજુમાં આવેલ ખુલી જગ્યામાં તેનું ડમ્પર જેના નં-જીજે-10-ઝેડ-6588 તથા સાહેદનું ડમ્પર જેના નં-જીજે-09-વાય-9784 પાર્ક કરેલ હતા તે દરમિયાન કોઈ અજાણ્યા શખ્સો બન્ને ડમ્પરમાંથી અલગ અલગ 4 બેટરી જેની કિંમત રૂ.15500ની ચોરી કરી નાશી છુટ્યા હતા. ચોરીના આ બનાવ અંગે પંચકોશી એ ડીવીઝન પોલીસે ફરિયાદ નોંધી આગળની કાર્યવાહી હાથ ધરી છે.