કલ્યાણપુર તાલુકાના રાવલ ગામમાં રહેતાં વૃદ્ધને હત્યાના ગુનામાં આજીવન કેદની સજા ફટકારવામાં આવી હતી. દરમિયાન અમદાવાદની સાબરમતિ જેલમાં રહેલા વૃદ્ધની તબિયત લથડતા સારવાર દરમિયાન મોત નિપજ્યાનું તબીબોએ જાહેર કર્યુ હતું.
આ અંગેની વિગત મુજબ, કલ્યાણપુર તાલુકાના રાવલ ગામે રહેતા સવદાસભાઈ સાડવાભાઈ ગોરાણીયા નામના 65 વર્ષના વૃદ્ધને હત્યાના ગુનામાં આજીવનની કેદની સજા કરવામાં આવી હતી. આ પ્રકરણમાં તેમને પાકા કામના કેદી તરીકે અમદાવાદની સાબરમતી જેલમાં રાખવામાં આવ્યા હતા.
આ પછી છેલ્લા એકાદ વર્ષથી તેમને ફેફસાનું કેન્સર લાગુ થયેલું હોય, જેની સારવાર માટે તેઓ પેરોલ ફર્લો રજા પર તેમના ઘરે આવ્યા હતા. પેરોલ રજા પૂર્ણ થાય અને તે જેલમાં પરત ન ગયા હતા અને કેન્સરની ચાલુ સારવાર વચ્ચે તેમનું મૃત્યુ નીપજ્યું હતું. આ બનાવની જાણ મૃતકના પુત્ર વિજયભાઈ સવદાસભાઈ ગોરાણીયાએ કલ્યાણપુર પોલીસને કરી છે.
