Connect with us

શહેર

જામનગર શહેર-જિલ્લામાં અનલોક-1 ની ગાઇડલાઇન જાહેર

શહેરમાં સવારના 8 થી સાંજના 7 તથા ગ્રામ્ય વિસ્તારમાં સવારના 8 થી સાંજના 8 વ્યાપારિક પ્રવૃતિઓ થઇ શકશે

ખબર ગુજરાત

પ્રકાશિત

on

આવતીકાલથી પ્રારંભ થઇ રહેલા અનલોક-1 અંગે જામનગર શહેર અને જિલ્લા માટે જિલ્લા કલેકટર દ્વારા જાહેરનામું બહાર પાડીને ગાઇડલાઇન જાહેર કરવામાં આવી છે. જે અનુસાર શહેરી વિસ્તારમાં સવારે 8 વાગ્યાથી સાંજના 7 વાગ્યા સુધી વ્યાપારિક પ્રવૃતિઓ થઇ શકશે. જ્યારે ગ્રામ્ય વિસ્તારમાં સવારે 8 થી રાત્રે 8 સુધી વ્યાપારિક પ્રવૃતિઓ થઇ શકશે. ક્ધટેઇનમેન્ટ વિસ્તારમાં સવારે 7 થી સાંજના 7 સુધી ફક્ત આવશ્યક સેવાઓ જ ચાલુ રાખી શકાશે. રાત્રિના 9 વાગ્યાથી સવારે 5 વાગ્યા સુધી રાત્રિ કર્ફયુ યથાવત રહેશે. જો કોઇ નાગરિક કોરોના વાયરસ પોઝીટીવ વિસ્તારમાંથી આવ્યો હશે તો તેને સરકારી હોસ્પિટલ અથવા હેલ્પલાઇન નંબર 104 ઉપર ફરજિયાત પણે જાણ કરવાની રહેશે. તેમજ નિયમ મુજબ હોમ ક્વોરેન્ટાઇનનું ચુસ્તપણે પાલન કરવાનું રહેશે.

અનલોક-1ના અન્ય નિયમો અને ગાઇડલાઇન નીચે મુજબ છે.

1) તમામ સરકારી કે ખાનગી શૈક્ષણિક સંસ્થાઓ, કોલેજ, શાળા, ટયુશન કલાસીસ, રીસર્ચ, તાલિમ અને કોચિંગ વિગેરે સંસ્થાઓ બંધ રહેશે (વહિવટી કાર્યાલય ચાલુ રાખી શકાશે). ઓનલાઈન તેમજ ડિસ્ટન્સ લર્નીંગ ચાલુ રહી શકશે અને તેને પ્રોત્સાહન આપવાનું રહેશે.

2) તમામ જીમખાના બંધ રાખાવાના રહેશે.

3) સિંગલ સ્ક્રીન અને મલ્ટી સ્ક્રીન ધરાવતા સિનેમા હોલ્સ બંધ રાખવાના રહેશે.

4) તમામ સામાજીક/ રાજકીય/ રમત-ગમત/ મનોરંજન/ શૈક્ષણિક/ સાંસ્કૃતિક/ ધાર્મિક કાર્યક્રમો, થિયેટર પ્રોગ્રામ કે અન્ય મેળાવડાઓ/સંમેલનો તેમજ આ પ્રકારના તમામ સ્થળો કે જ્યાં મોટી સંખ્યામાં લોકો ભેગા થતા હોય તેવા સ્થળો પર પ્રતિબંધ રહેશે.

5) બિન આવશ્યક પ્રવૃતિઓ માટે સાંજના ૨૧.૦૦ કલાકથી સવારના ૦૫.૦૦ વાગ્યા સુધી વ્યક્તિઓની અવર-જવર પર સંપુર્ણપણે પ્રતિબંધ (રાત્રી કર્ફયુ) રહેશે તેમજ તેનું કડકપણે પાલન કરવાનું રહેશે.

6) જાહેર બગીચા, પ્રાણી સંગ્રહાલય(ઝુ), વોટર પાર્ક, એમ્યુઝમેન્ટ પાર્ક, આકર્યોલોજીકલ સાઈટ્સ, બીચ, સ્વિમીંગ પુલ (સ્નાનાગાર) તેમજ અન્ય પ્રવાસી સ્થળો ઉપર પ્રતિબંધ રહેશે.

7) ૬૫ વર્ષથી વધુ ઉંમર ધરાવતી વ્યક્તિઓ, ગંભીર બીમારી હોય તેવી વ્યક્તિઓ, સગર્ભા મહીલાઓ તેમજ ૧૦ વર્ષથી નીચેના બાળકોએ આવશ્યક જરૂરીયાતો તેમજ આરોગ્ય હેતુથી બહાર નીકળવું અત્યંત જરૂરી હોય તે સિવાય ઘરે જ રહેવાનું રહેશે.

 

કન્ટેનમેન્ટ ઝોન સિવાયના વિસ્તારમાં નીચે મુજબની પ્રવૃતિઓ નિર્ધારીત નિયંત્રણો સાથે કરી શકાશે.

1) તમામ હોટલ તથા કલ્બ સ્ટાન્ડર્ડ ઓપરેટીંગ પ્રોસીજર મુજબ તા.૦૮/૦૬/૨૦૨૦ થી શરૂ કરી શકાશે.

2) જિલ્લામાં આવેલ તમામ રેસ્ટોરન્ટ, હોટલમાં આવેલ રેસ્ટોરન્ટ તેમજ ભોજનાલયમાં સ્ટાન્ડર્ડ ઓપરેટીંગ પ્રોસીજર

મુજબ સામાજીક અંતર જાળવવાની શરતે તા.૦૮/૦૬/૨૦૨૦ થી શરૂ કરી શકાશે. સંચાલકોએ કોરોના વાયરસને ફેલાતો અટકાવવા માટે સરકાર તરફથી જાહેર કરવામાં આવેલ માર્ગદર્શિકા મુજબ સેનીટાઈઝેશન તેમજ સાફ સફાઈની જરૂરી વ્યવસ્થા કરી પુરતી તકેદારી રાખવાની રહેશે.

3) તમામ મોલ્સ તેમજ મોલ્સમાં આવેલ દુકાનો સામાજીક અંતર જાળવવાની શરતે તા.૦૮/૦૬/૨૦૨૦ થી શરૂ કરી શકાશે.

4) તમામ છુટક દુકાનો શરૂ કરી શકાશે.

5) તમામ પ્રકારના ઉદ્યોગો તથા કારખાના ૧૦૦% કેપેસીટી સાથે સામાજીક અંતર જાળવવાની શરતે ચાલુ રાખી શકાશે.

6) તમામ ધાર્મિક સ્થળો સામાજીક અંતર જાળવવાની શરતે તા.૦૮/૦૬/૨૦૨૦ થી ખુલ્લા રાખી શકાશે. પરંતુ સ્ટાન્ડર્ડ ઓપરેટીંગ પ્રોસીજર મુજબ મોટી સંખ્યામાં લોકો એકઠા થાય તે પ્રકારના કોઈપણ પ્રકારના કાર્યક્રમો ઉપર પ્રતિબંધ રહેશે.

7) રમત-ગમત સંકુલ તેમજ સ્ટેડિયમ પ્રેક્ષકો વિના ખુલ્લા રાખી શકાશે તેમજ પ્રસારણ ઉપર કોઈ પ્રતિબંધ રહેશે નહી.

8) શહેરી વિસ્તારમાં સ્થાનિક સત્તામંડળ દ્વારા નક્કી કરવામાં આવેલ સ્થળોએ ફેરીયાઓ તા.૦૮/૦૬/૨૦૨૦ થી વેચાણ કરી શકશે.

 

સ્થાનિક સત્તામંડળઓએ ફેરીયઓ/ સાપ્તાહિક બજાર માટે સ્થળો નિશ્ચિત કરવાના રહેશે તેમજ વિસ્તૃત સ્ટાન્ડર્ડ ઓપરેટીંગ પ્રોસીજર તૈયાર કરવાના રહેશે. કેન્દ્ર સરકાર/ગુજરાત સરકારશ્રીની માર્ગદર્શિકાનું ચુસ્તપણે પાલન થાય તે અંગેનું નિયંત્રણ રાખવાનું રહેશે.

9) ચા/ કોફી સ્ટોલ ખુલ્લા રાખી શકાશે.

10) કન્ટેનમેન્ટ ઝોન સિવાયના વિસ્તારમાં પાનની દુકાન ચાલુ રાખી શકાશે પરંતુ સોશ્યલ ડિસ્ટન્સીંગનું ચુસ્તપણે પાલન કરવાનું રહેશે તેમજ માત્ર Take away ની મંજુરી રહેશે.

11) દારૂની દુકાન ફકત પરમીટ ધારકો માટે ખુલ્લી રાખી શકશે

12) વાણંદની દુકાનો, હેર કટીંગ સલુન, બ્યુટી પાર્લર સામાજીક અંતરનું પાલન કરવાની શરતે ચાલુ રાખી શકાશે.

13) ૬૦% કેપેસીટી સાથે લાયબ્રેરી શરૂ કરી શકાશે.

14) ગુજરાત રાજય પરીવહનની બસો રાજય સરકારશ્રીની સુચના અનુસાર કાર્યરત રહેશે.

15) કન્ટેનમેન્ટ ઝોન સિવાયના વિસ્તારમાં ૬૦% કેપેસીટી સાથે સીટી બસ સર્વિસ શરૂ થઈ શકશે.

16) કન્ટેનમેન્ટ ઝોન સિવાયના વિસ્તારમાં ૬૦% બેઠક વ્યવસ્થા સાથે ખાનગી બસ સર્વિસ શરૂ થઈ શકશે. પરંતુ બસની અંદર કોઈપણ વ્યક્તિને ઉભા રાખી શકશે નહી.

17) ઓટો રીક્ષા એક ડ્રાઈવર તથા ૨ (બે) મુસાફર સાથે પરીવહન કરી શકશે.

18) કેબ્સ, ટેકસીસ, કેબ એગ્રીગ્રેટર્સ તેમજ ખાનગી કાર એક ડ્રાઈવર તથા ર (બે) મુસાફર સાથે પરીવહન કરી શકશે બેઠક ક્ષમતા ૬ (છ) કે તેથી વધુ હોય તેવા વાહનમાં એક ડ્રાઈવર તથા ૩ (ત્રણ) મુસાફર સાથે પરીવહન કરી શકશે.

19) ટુ-વ્હીલરમાં ૧ + ૧ વ્યક્તિ અવર-જવર કરી શકશે.

20) પ્રાઈવેટ ઓફીસો સામાજીક અંતર જાળવવાની શરતે કાર્યરત થઈ શકશે. તેમજ શકય હોય ત્યાં સુધી ઘરેથી કામ કરવાની પ્રથાને પ્રત્સાહન આપવાનું રહેશે.

21) બેંક તેમજ સરકારી કચેરીઓ કાર્યરત રહેશે.

22) તમામ પ્રકારની રીપેરીંગની દુકાનો, ગેરેજ, વર્કશોપ અને સર્વિસ સ્ટેશનો કન્ટેનમેન્ટ ઝોનની સિવાયના વિસ્તારમાં ચાલુ રાખી શકાશે.

 

ભરેલ માલવાહક અને ખાલી માલવાહક વાહનો રાજય અને આંતર રાજયમાં પરીવહન કરી શકશે.

જાહેર સ્થળો/ કામના સ્થળો ઉપર લોકોએ માસ્ક પહેરવા/ ચહેરો ઢાકવાનો રહેશે. તેમજ જાહેર જગ્યા પર થુકવાનું રહેશે નહી જેના ભંગ બદલ રૂ.૨૦૦ નો દંડ જે તે સ્થાનિક સત્તા મંડળના અધિકારીએ વસુલવાનો રહેશે આ ઉપરાંત જે તે તાલુકાના ઈન્સીડન્ટ કમાન્ડરશ્રી દંડ વસુલવા માટે જરૂર જણાયે વધારાના અધિકારીઓને અધિકૃત કરી શકશે.

જિલ્લામાં આવેલ મેડીકલ સ્ટોર્સ/ફાર્મસીને આ જાહેરનામાંમાં દર્શાવેલ સમયમર્યાદા લાગુ પડશે નહી.

શહેર

જામનગર શહેર જિલ્લાના સેકડો લોકોને મળી આઝાદી

34 વિસ્તારોને કન્ટેઇનમેન્ટ ઝોનમાંથી મળી મુકિત : નવા 7 વિસ્તારોને કન્ટેઇનમેન્ટ હેઠળ લવાયા

ખબર ગુજરાત

પ્રકાશિત

on

જામનગર શહેર અને જિલ્લાના કોરોના બંધકોને મોટી રાહત મળી છે. એક સાથે સેકડો લોકો કે જેઓ છેલ્લા 14 દિવસથી પોતાના ઘરોમાં કેદ હતાં. તેઓને આજથી મુકિત મળી છે. બીજી તરફ શહેર અને જિલ્લાના વધુ 7 વિસ્તારોના રહેવાશીઓને પ્રતિબંધ હેઠળ મુકવામાં આવ્યા છે.

જામનગર જિલ્લાનાં કુલ 34 વિસ્તારોની કન્ટેઇનમેન્ટ અવધી પુર્ણ થતાં તેમને કન્ટેઇનમેન્ટ ઝોનમાંથી મુકિત આપવામાં આવી છે. જિલ્લા કલેકટર દ્વારા મુકિત અપાયેલા વિસ્તારોમાં 26 જામનગર શહેરના અને 8 જામનગર ગ્રામ્યના વિસ્તારોનો સમાવેશ થાય છે. છેલ્લા 14 દિવસથી કન્ટેઇનમેન્ટ હેઠળ રહેતા આ વિસ્તારના સેકડો લોકોએ રાહતનો શ્ર્વાસ લીધો છે. હવે તેઓ પોતાના ઘરની બહાર નીકળી શકશે. અને મુકિતનો એહસાશ કરી શકશે. બીજી તરફ કોરોનાના નવા કેસને પગલે શહેર અને જિલ્લાના વધુ 7 વિસ્તારોને કન્ટેઇનમેન્ટ હેઠળ મુકવામાં આવ્યા છે. જેઓ આગામી 14 દિવસ સુધી પોત-પોતાના ઘરોમાં કેદ રહેશે. જે વિસ્તારો ક્ધટેઇનમેન્ટ જાહેર કરાયા છે. તેની યાદી નીચે મુજબ છે.

૧) જામનગર જિલ્લાના કાલાવડ તાલુકામાં નગરપાલિકા વિસ્તારમાં કુંભારનાથ પરામાં ભીખુભાઈ ગરીશંકર ચાઉથી મનસુખગીરી જેરામગીરી ગોસ્વામી સુધી રમણીકલાલ ગૈરીશંકર ઠાકર થી પ્રેમજીભાઈ બરજીલાઈ દુધાગરા સુધી તથા પરેશભાઈ મગનભાઈ હિરપરા થી વસનબેન પરશોતમભાઈ ઠુંમર સુધીના 14 ઘર.

ર) જામનગર મહાનગરપાલિકા વિસ્તારમાં શંકર ટેકરી સિધ્ધાર્થ કોલોની શેરી નં.13 માં સમાવિષ્ટ 10 મકાનોનો વિસ્તાર.

3) જામનગર મહાનગરપાલિકા વિસ્તારમાં કાલાવડ નાકા બહાર બાલનાથ મહાદેવ મંદિર પાસે બાબુ અમૃતના ડેલા તરીકે ઓળખાતો વિસ્તાર જેમાં જય ચામુંડા કૃપા નાનજી નિવાસ તથા શ્રી ગણેશાય બંગલો વિ. નો સમાવેશ થાય છે તેવા 8 મકાનોનો વિસ્તાર.

4) જામનગર મહાનગરપાલિકા વિસ્તારમાં પટણી વાડમાં શાહ બાપુની દરગાહ પાસે આવેલ નસીબ પ્રોવીઝન સ્ટોર સામેની બંધ ડેલીનો પેક વિસ્તાર.

પ) જામનગર મહાનગરપાલિકા વિસ્તારમાં પાર્શનાથ દેરાસરની બાજુમાં આવેલ આંબલી ફળી તરીકે ઓળખાતા વિસ્તારમાં મામા સાહેબની શેરી જેમાં પાર્થમણી બંગલોનો સમાવેશ થાય છે તે 50 મી.લંબાઈનો શેરીનો વિસ્તાર.

૬) જામનગર મહાનગરપાલિકા વિસ્તારમાં રણજીતસાગર રોડ પર આવેલ નંદનવનપાર્ક શેરી નં.2, શ્રધ્ધા જનરલ સ્ટોર વાળી શેરીના 12 મકાનોનો સમાવિષ્ટ વિસ્તાર.

૭) વંચાણ-(5) માં દર્શાવેલ આ કચેરીના તા.30/06/2020 ના જાહેરનામાંના કોષ્ટકના ક્રમ નં.7 ઉપર દર્શાવેલ એમ્યુઝમેન્ટ પાર્ક પાસે આવેલ શ્રીજી હોલ નજીક ગોકુલધામ સોસાયટી કન્ટેઈનમેન્ટ ઝોનના વિસ્તાર ઉપરાંત પાર્થ બંગલા સુધીના 5 મકાનોનો વધારાનો વિસ્તાર.

વધુ વાંચો

શહેર

જામનગર જિલ્લામાં બાયોડિઝલના નામે અનઅધિકૃત કેમિકલનું વેચાણ

આ પ્રકારનું વેચાણ તાત્કાલિક બંધ કરાવવા જામનગર જિલ્લા પેટ્રોલ-ડિઝલ ડિલર્સ એસોસીએશનની માગણી

ખબર ગુજરાત

પ્રકાશિત

on

જામનગર જિલ્લામાં બાયો ડિઝલના નામે થતું અન્ય ઇંધણનું અનઅધિકૃત વેચાણ તાકીદે અટકાવવા જામનગર જિલ્લા પેટ્રોલ-ડિઝલ ડિલર્સ એસોસીએશને માગણી કરી છે.
એસોસીએશનના પ્રમુખ ધીમંત ઘેલાણી તથા જનરલ સેક્રેટરી આર. વી. રાણીપાએ જિલ્લા કલેકટરને પાઠવેલા આવેદનપત્રમાં જણાવ્યું છે કે, જિલ્લામાં અલગ-અલગ સ્થળોએ બાયો ડિઝલના નામે અન્ય પદાર્થોનું અનઅધિકૃત વેચાણ થઇ રહ્યું છે. એક તરફ સરકારે બીએસ-6 ના ધારાધોરણ મુજબ ઇંધણ દરેક વાહનને મળી રહે તેવી વ્યવસ્થા કરી છે ત્યારે સરકારના આ પ્રયાસથી વિરૂધ્ધ બાયો ડિઝલના નામે અન્ય કેમિકલ તથા ઇંધણ વાહનચાલકોને વેંચવામાં આવે છે, જે રોકવું જરૂરી છે. આ પ્રકારના ગેરકાયદે વેચાણથી રાજ્ય અને કેન્દ્ર સરકારને ડીઝલ પર મળતા વેરામાં પણ નુકસાની પહોંચે છે. તેમજ આ પ્રકારનું ઇંધણ પર્યાવરણને પણ હાનિ પહોંચાડે છે તથા લાંબા સમયે વાહનોને પણ ભારે નુકસાન પહોંચાડે છે. ત્યારે જામનગર જિલ્લામાં બાયો ડિઝલના નામથી વેચાતા આ પ્રકારના કેમિકલનું વેચાણ તાત્કાલિક ધોરણે બંધ કરાવો તથા આવા વેપાર સાથે સંકળાયેલા લોકો સામે સખ્ત કાયદાકીય કાર્યવાહી કરવાની માગણી કરવામાં આવી છે.

વધુ વાંચો

શહેર

પી. એમ. કેર્સ ફંડમાંથી જી. જી. હોસ્પિટલને 50 વેન્ટીલેટર ફાળવવામાં આવ્યા

વડાપ્રધાનનો આભાર વ્યકત કરતા સાંસદ પૂનમબેન માડમ

ખબર ગુજરાત

પ્રકાશિત

on

જામનગરમાં કાર્યરત સૌરાષ્ટ્રની સૌથી મોટી એવી સરકારી ગુરૂ ગોવિંદસિંધ હોસ્પીટલ,  ક્રોવિડ-૧૯ હોસ્પીટલને પી.એમ. કેર્સ ફંડ માંથી ૫૦ વેન્ટીલેટર ફાળવવામાં આવતા વડાપ્રધાન નરેન્દ્રભાઈ મોદીનો જામનગર દેવભૂમિ દ્રારકા જીલ્લાના સંસદસભ્ય પૂનમબેન માડમએ આભાર વ્યકત કર્યો છે.

સમગ્ર રાષ્ટ્ર કોવિડ-૧૯ ની મહામારી સામે જંગ લડી રહયુ છે ત્યારે વડાપ્રધાન નરેન્દ્રભાઈ મોદીના નેજા હેઠળ સમગ્ર રાષ્ટ્ર કોરોનાની મહામારી સામે જંગ જીતવા સજજ થઈ રહયુ છે, તેમજ આ સજજતાના ભાગરૂપે પી.એમ.કેર્સ ફંડ માંથી મહત્વનું યોગદાન આપવામાં આવી રહયુ છે, જેના ભાગરૂપે રાષ્ટ્રભરમાં જયાં જયાં ગંભીર પરિસ્થિતી હોય અને તાતી જરૂરીયાત હોય તે પુરી કરવા વડાપ્રધાન નરેન્દ્રભાઈ મોદી સાહેબના આદૈશનુસાર સંપુર્ણ સેવાઓ પુરી પાડીને રાષ્ટ્રના જન જનના આરોગ્યની ચિંતા કરવામાં આવી રહી છે.

જામનગરમાં જી.જી.હોસ્પીટલમાં કાર્યરત કોવિડ-૧૯ હોસ્પીટલમાં જામનગર જીલ્લા સહીત આજુબાજુના જીલ્લાઓમાં દર્દીઓ સારવાર માટે આવે છે, જેમાં કોરોનાના ગંભીર દર્દીઓને અમુક વખતે વેન્ટીલેટર પર રાખવાની પરિસ્થિતી ઉભી થાય છે ત્યારે જી.જી.હોસ્પીટલને કોરોના સામેના જંગમાં વઘુ સજજ કરવા માટે અને દર્દીઓના હીત માટે પી.એમ.કેર્સ ફંડ માંથી ૫૦ વેન્ટીલેટર ફાળવવામાં આવ્યા છે. આ અત્યંત જરૂરી સેવાના માનવતા સભર નિર્ણય અને ફાળવણી બદલ સંસદસભ્ય પૂનમબેન માડમએ વડાપ્રધાન નરેન્દૂભાઈ મોદી નો આભાર વ્યકત કર્યો છે અને આશાવ્યક્ત કરી છે કે જામનગરની જી.જી.હોસ્પીટલમાં કોરોનાના દર્દીઓની કીટીકલ સંજોગોમાં હવે વધુ સારી રીતે સારવાર થઈ શકશે.

વધુ વાંચો

ટ્રેન્ડીંગ