Connect with us

સ્પોર્ટ્સ

ઇંગ્લેન્ડ-વેસ્ટ ઇન્ડિઝ વચ્ચે આજથી શ્રેણીની અંતિમ ટેસ્ટ મેચ

શ્રેણી 1-1 થી બરાબરી ઉપર

ખબર ગુજરાત

પ્રકાશિત

on

આજે માન્ચેસ્ટરના ઓલ્ડ ટ્રેફોર્ડ ખાતે ઇંગ્લેન્ડ અને વેસ્ટ ઇન્ડીઝ વચ્ચે મેચ યોજાશે. ઇંગ્લેન્ડ અને વેસ્ટ ઇન્ડીઝ વચ્ચે 3 ટેસ્ટ મેચની સીરિઝની છેલ્લી મેચ શુક્રવારથી માન્ચેસ્ટરમાં રમાશે. વેસ્ટ ઇન્ડીઝ પાસે આ મેચ જીતીને 32 વર્ષ બાદ ઇંગ્લેન્ડમાં ટેસ્ટ સીરિઝ જીતવાની તક છે. આ પહેલા 1988માં વિન્ડિઝ ટીમે ઇંગ્લિશ ટીમને તેના ઘરે 5 ટેસ્ટ મેચની શ્રેણીમાં 4-0થી હરાવી હતી.

અગાઉના મેચમાં પ્રભાવશાળી બેન સ્ટોક્સની શાનદાર રમત સાથે શ્રેણીની બરાબરી કરનાર ઇંગ્લેન્ડ શુક્રવારે વેસ્ટ ઇન્ડીઝ સામે શરૂ થનારી ત્રીજી અને નિર્ણાયક ટેસ્ટ મેચમાં મનોબળ વધારવાની સાથે મેદાન પર ઉતરશે. જોકે ઝડપી બોલિંગ એટેક અંગે તે મૂંઝવણમાં છે. મેચ ભારતીય સમય પ્રમાણે બપોરના 3.30 વાગ્યાથી માન્ચેસ્ટરના ઓલ્ડ ટ્રેફોર્ડ ખાતે રમાશે.

વેસ્ટ ઇન્ડીઝ માટે ટોચના ક્રમના બેટ્સમેનનું સ્વરૂપ ચિંતાનો વિષય છે અને આવી સ્થિતિમાં બંને ટીમોના પ્લેઇંગ ઇલેવનમાં કેટલાક નોંધપાત્ર ફેરફાર જોવા મળી શકે છે. વેસ્ટ ઇન્ડીઝે સાઉથેમ્પ્ટન ખાતેની પ્રથમ ટેસ્ટ મેચમાં ચાર વિકેટથી જીત મેળવી હતી, પરંતુ ઇંગ્લેન્ડે ઓલ્ડ ટ્રેફોર્ડ ખાતે રમાયેલી બીજી મેચમાં ત્રણ મેચની શ્રેણીમાં 1-1થી ટાઇ કરી 113 રનથી જીત મેળવી હતી.

જો વેસ્ટ ઇન્ડીઝે વિઝ્ડન ટ્રોફી જાળવી રાખવી હોય તો તેણે ઓછામાં ઓછી ત્રીજી મેચ ડ્રો કરવાની રહેશે. આ મેચ જીત્યા પછી, જેસન હોલ્ડરની ટીમ 1988 પછી ઇંગ્લેન્ડની ધરતી પર શ્રેણી જીતનાર પ્રથમ કેરેબિયન ટીમ બનશે. પ્રથમ બે મેચ વરસાદથી પ્રભાવિત થઈ હતી અને હવામાન વિભાગની આગાહી મુજબ ત્રીજી મેચમાં ખરાબ હવામાનની અસર પણ થઈ શકે છે.

ઇંગ્લેન્ડની મેચની પૂર્વસંધ્યાએ, તેની 14 સભ્યોની ટુકડી જાહેર કરતાં સ્પષ્ટ થઈ ગયું કે તે બેટિંગ ક્રમમાં ફેરફાર કરશે નહીં, પરંતુ બોલરોની પસંદગી હજી પણ તેમના માટે માથાનો દુખાવો બની રહી છે. જોફ્રા આર્ચર, જેમ્સ એન્ડરસન અને માર્ક વુડને પણ 14 સભ્યોની ટીમમાં સામેલ કરવામાં આવ્યા છે. 25 વર્ષિય આર્ચરને કોવિડ -19 બાયો-સેફ પ્રોટોકોલનું ઉલ્લંઘન કરવા બદલ બીજી ટેસ્ટ માટે ટીમમાંથી બહાર કરાયો હતો. એ મેચમાં એન્ડરસન અને વુડને આરામ અપાયો હતો.

સ્પોર્ટ્સ

ટીમ ઇન્ડિયાના ક્રિકેટર યુઝવેન્દ્ર ચહલે સગાઇ કરી

ખબર ગુજરાત

પ્રકાશિત

on

ટીમ ઈન્ડિયા અને રોયલ ચેલેન્જર્સ બેંગલોરના ક્રિકેટર યુઝવેન્દ્ર ચહલે શનિવારે એટલે કે 8 ઓગસ્ટે પોતાની સગાઈની જાહેરાત કરી છે. આ સ્પિનરે સોશિયલ મીડિયા પર દરેકને સમાચાર આપતાં જ ચર્ચા થવા લાગી છે. ચહલે ટ્વિટર પર લખ્યું, અમે અમારા કુટુંબીજનો સાથે હા કહી દીધું.

આ સમાચાર દરેક માટે આશ્ચર્યજનક છે. ફેન્સએ આ જોડીને તેમના જીવનની નવી શરૂઆત માટે શુભેચ્છાઓ પાઠવી છે. ચહલની મંગેતર, ધનાશ્રી વર્માએ પણ તેના ચાહકોને આ સમાચાર આપવા માટે ઇન્સ્ટાગ્રામ પર પોસ્ટ કરી હતી. તે જ ફોટો અને તે જ કેપ્શન સાથે પોસ્ટ કરી છે. ધનાશ્રી વર્મા એક પ્રખ્યાત યુ-ટ્યુબર છે અને દેખાવમાં પણ ખુબ સુંદર છે.

વધુ વાંચો

સ્પોર્ટ્સ

ભારતીય હોકી ટીમના કેપ્ટન સહીત પાંચ ખેલાડીઓને કોરોના

ખબર ગુજરાત

પ્રકાશિત

on

કોરોનાએ સમગ્ર દુનિયામાં હાહાકાર મચાવ્યો છે. ત્યારે કોઇ એવુ ક્ષેત્ર બચ્યુ નથી જે કોરોનાની ઝપેટમાં ન આવ્યુ હોય હાલ તમામ મેચ અને ખેલાડીઓ પણ કોરોનાના ભયના ઓથાર હેઠળ છે. ક્રિકેટ હોય કે પછી હોકી મોટા ભાગના મેચ સ્થગિત કરી દેવામાં આવ્યા છે. ભારતીય હોકી ટીમના કેપ્ટન મનપ્રીત સિંહ સહિત પાંચ ખેલાડીઓએ બેંગલુરૂમાં SAIના નેશનલ સ્પોર્ટસ સેન્ટરમાં યોજાયેલી શિબિરમાં તમામ ખેલાડીઓનો મેચ પહેલા કોરોના ટેસ્ટ કરાવ્યો હતો જેમાં ટીમના કેપ્ટન મનપ્રીત સિંહ સહિત પાંચ ખેલાડીઓનો રિપોર્ટ પોઝિટીવ આવ્યો છે. મનપ્રીત સિવાય ડિફેન્ડર સુરેન્દ્ર કુમાર, જસકરન સિંહ અને ડ્રેગ ફ્લિકર વરૂણ કુમાર કોરોના પોઝિટીવ છે. પાછળથી ખબર પડી કે ગોલકીપર કૃષ્ણા બી. પાઠકને પણ કોરોના થયો છે. ગોલકીપરનો રિપોર્ટ રાજ્ય સરકારને પાછળથી મળ્યો હતો.

જો કે રાષ્ટ્રીય શિબિર તેના નિર્ધારિત કાર્યક્રમમાં જ શરૂ થશે. આ ખેલાડીઓઘરે બ્રેક લીધા બાદ ટીમ સાથે શિબિરમાં પહોંચ્યા હતા. એક મહિનાથી ખેલાડીઓ બ્રેક પર હતા. આ પહેલા લોકડાઉનના કારણે બે મહિનાથી વધારે સમય બેંગલુરૂમાં SAI કેન્દ્રમાં ફસાયા હતા. શિબિરમાં જે ખેલાડીઓ તંદુરસ્ત હળે તેઓ 20 ઓગસ્ટથી શરૂ કરી દેવામાં આવશે. શિબિરમાં ભાગ લે એ પહેલા તમામ ખેલાડીઓએ તેનો રિપોર્ટ કરાવવાનો રહેશે અને ત્યારબાદ જ ખેલાડીઓ ભાગ લઇ શકશે.

પોઝિટીવ આવેલા આ ખેલાડીઓ સાથે તમામ ખેલાડીઓએ મુસાફરી કરી હોવાથી શક્યતા છે કે ઘરથી બેંગલુરૂ આવતા આ વાયરસનો શિકાર થયા હોય. આ તમામ ખેલાડીઓનો રૈપિટ ટેસ્ટ કરાવ્યો તો નેગેટિવ આવ્યા હતા, મનપ્રીત અને સુરેન્દ્રને પાછળથી લક્ષણો દેખાતા તેમજ સાથે મુસાફરી કરતા 10 બીજા ખેલાડીઓના ગુરૂવારે આરટી-પીસીઆર ટેસ્ટ કરાવ્યા જેમાં 4 ખેલાડીઓ પોઝિટીવ આવ્યા છે.

વધુ વાંચો

સ્પોર્ટ્સ

IPL નાં તમામ ખેલાડીઓ અને સ્ટાફે પાંચ વાર કોરોના ટેસ્ટ કરાવવો પડશે

BCCI દ્વારા તૈયાર કરવામાં આવી ગાઇડલાઇન

ખબર ગુજરાત

પ્રકાશિત

on

ઈંડિયન પ્રીમિયર લીગમાં હિસ્સો લેવા વાળા ખેલાડીઓ અને સહયોગી સ્ટાફનો યૂએઈમાં પ્રેક્ટિસ શરૂ કરતા પહેલા કોવિડ-19ની તપાસમાં 5 વાર નેગેટિવ આવવું પડશે. એટલું જ નહીં ટૂર્નામેન્ટ શરૂ થયા પછી ખેલાડીઓએ દર 5માં દિવસે કોરોના ટેસ્ટ કરાવવાનો રહેશે. બીસીસીઆઈના એક અધિકારીએ જણાવ્યું હતું કે દરેક ભારતીય ખેલાડિઓ અને સહયોગી સ્ટાફને ભારતમાં પોતાની બીજી ટીમો સાથે જોડાવાના એક સપ્તાહ પહેલા 24 કલાકના સમયગાળામાં બે વાર કોવિડ-19 ટેસ્ટ કરાવવાનો રહેશે. જેના પછી ભારતમાં 14 દિવસ સુધી આઈસોલેશનમાં રહેવું પડશે.

તપાસમાં કોઈપણ વ્યક્તિને જો કોરોના પોઝિટિવ આવે તો તેને 14 દિવસ સુધી આઈસોલેશનમાં રહેશે.19 સપ્ટેમ્બરથી શરૂ થનારી આઈપીએલ માટે યૂએઈ જવા માટે તેના કોરોન્ટાઈનનો સમય પૂરો થયા પછી 24 કલાકના સમયગાળામાં 2 વખત કોરોના ટેસ્ટ કરાવવાનો રહેશે. કોવિડની તપાસ બાદ રિપોર્ટ નેગેટિવ આવવો જરૂરી છે.

ખેલાડીઓ પ્રથમ અઠવાડિયામાં કોઈ સાથી મિત્રને મળી શકશે નહીં. યુએઈમાં પ્રથમ અઠવાડિયા દરમિયાન ટીમોના ખેલાડીઓ અને અધિકારીઓને હોટેલમાં એકબીજાને મળવાની મંજૂરી આપવામાં આવશે નહીં. તપાસ ત્રણ વાર નકારાત્મક આવે તે પછી જ તેમને ટુર્નામેન્ટમાં સુરક્ષિત વાતાવરણમાં પ્રેક્ટિસ કરવાની મંજૂરી આપવામાં આવશે.

એઈમાં ખેલાડીઓ અને સહાયક કર્મચારીઓની આઈસોલેશન દરમિયાન પહેલા, ત્રીજા અને છઠ્ઠા દિવસે તપાસ કરવામાં આવશે. જેમાં તમામ રિપોર્ટ નેગેટિવ આવ્યા બાદ 53 દિવસ સુધી ચાલનાર આ ટૂર્નામેન્ટમાં દર પાંચમા દિવસે તપાસ કરવામાં આવશે. બીસીસીઆઈ તપાસ પ્રોટોકોલ સિવાય ટીમો પોતાની રીતે યૂએઈ સરકાર દ્વારા લાગુ નિયમો પ્રમાણે વધારાનો ટેસ્ટ કરાવી શકે છે. ટીમોને કહેવામાં આવ્યું છે કે તે 20 ઓગસ્ટ પહેલા ન નિકળો. જેથી તેને જરૂરી સમયે આવશ્યક પરિક્ષણ અને પ્રોટોકોલ અને આઈસોલેશન માટે કોઈ તકલીફ ન પડે.

વધુ વાંચો

ટ્રેન્ડીંગ