Connect with us

રાષ્ટ્રીય

હાલ કોરોનાની સારવારમાં વપરાતી દવા અસરકારક નથી : WHO

વિશ્ર્વ આરોગ્ય સંસ્થાના રિસર્ચ બાદ ભારત સહિત દુનિયાભરમાં બદલાઇ શકે છે સારવારની પધ્ધતિ

ખબર ગુજરાત

પ્રકાશિત

on

ભારત પોતાના કોવિડ -19 ક્લિનિકલ મેનેજમેન્ટ પ્રોટોકોલની સમીક્ષા કરવા જઈ રહ્યું છે. વર્લ્ડ હેલ્થ ઓર્ગેનાઇઝેશનના તાજેતરના સંશોધનથી બહાર આવ્યું છે કે ચાર દવાઓ ઓછી અસરકારક છે. WHO એ શોધી કાઢયું કે રેમડિસિવીર, હાઇડ્રોક્સાઇક્લોરોક્વિન, લોપીનાવીર અને ઇન્ટરફેરોન કોવિડ-19 દર્દીઓ પર કોઇ ખાસ અસર કરી નથી. જો કે રેમડેસિવીરનું ભારત સહિત દુનિયાભરમાં ટ્રાયલ્સ ચાલુ રહેશે. ICMR-નેશનલ એડ્સ રિસર્ચ ઇન્સ્ટિટ્યૂટના ડાયરેક્ટર સમીરન પાંડાના જણાવ્યા અનુસાર, જ્યાં સુધી ડ્રગ રેગ્યુલેટરી ઓથોરિટી તરફથી સૂચના મળતી નથી ત્યાં સુધી ટ્રાયલ ચાલુ રહેશે.

ઇન્ડિયન કાઉન્સિલ ઓફ મેડિકલ રિસર્ચના ડાયરેક્ટર ડો.બલરામ ભાર્ગવા એ જણાવ્યું હતું કે નેશનલ ટાસ્ક ફોર્સ અને જોઈન્ટ મોનિટરિંગ ગ્રુપ સાથેની વાતચીત બાદ આ સમીક્ષા કરવામાં આવશે. અન્ય એક અધિકારીએ કહ્યું, અમે અમારા ક્લિનિકલ પ્રોટોકોલની સમીક્ષા કરીશું અને તેમાં જરૂરી ફેરફાર કરીશું. રેમડિસિવરીનો વધુ ઉપયોગ કરવો કે નહીં તે અંગે અમારે વધુ સંશોધનની જરૂર પડશે. અમે સોલિડેરિટી ટ્રાયલના પુરાવાની સમીક્ષા કરી રહ્યા છીએ.
ટ્રાયલની સ્ટીયરિંગ કમિટીમાં સામેલ કે.શ્રીનાથ રેડ્ડીના જણાવ્યા અનુસાર, વચગાળાના પરિણામો દર્શાવે છે કે (દવા) ની કોઈ અસર નથી, પરંતુ ટ્રાયલ ચાલુ રહેશે જેથી કરીને રેમડેસિવીરથી કોઈ પેટા-જૂથને ફાયદો થાય છે કે કેમ તે જાણી શકાય. WHOના સ્ટડીમાં હજારો લોકો પર આ દવાઓની અસરની તપાસ કરવામાં આવી હતી. WHO એ છ મહિના સુધીમાં આ આખા અભ્યાસને અંજામ આપ્યો. સામે આવ્યું હતું કે કોવિડ-19 દર્દીઓ પર રિમડેસિવીર, હાઇડ્રોક્સિક્લોરોક્વિન, લોપીનાવીર અને ઇંટરફેરોનની ખૂબ જ નહીવત અસર થઇ અથવા તો બિલકુલ કારગર સાબિત થઇ નથી.

અમેરિકાએ મેલેરિયાની સારવારમાં ઉપયોગમાં લેવાતી રેમડિસિવીર દવાને ખાસ પરિસ્થિતિઓમાં કોવિડ-19ની સારવારના ઉપયોગ માટે અવ્પ્રુવ કરી રાખી છે. સાથો સાથ બ્રિટન અને યુરોપિયન યુનિયનએ આ દવાને કોરોના વાયરસ ચેપની સારવાર માટે મંજૂરી આપી છે. ઓક્સફર્ડ યુનિવર્સિટીના પ્રોફેસર માર્ટિન લેંડ્રેએ જણાવ્યું હતું કે હાઇડ્રોક્સાઇક્લોરોક્વિન અને લોપીનાવીરને લઇ WHOના અભ્યાસના પરિણામો લગભગ એ દિશામાં છે, જેમકે બ્રિટનમાં તેના રિસર્ચમાં સામે આવ્યું હતું. તેમણે એક નિવેદનમાં કહ્યું કે WHOના અભ્યાસથી સૌથી અગત્યનું નિષ્કર્ષ એ નીકળીને સામે આવ્યું કે કોવિડ-19ની સારવારમાં રેમડેસિવીરની કોઇ ખાસ અસર થતી નથી.

રાષ્ટ્રીય

કોરોનાની દવા નહીં, ત્યાં સુધી ઢીલાઇ નહીં: મોદી

ઝડપભેર ચાલી રહ્યું છે વેકસીનનું કામ, દેશના દરેક નાગરિકને મળશે વેકસીન

ખબર ગુજરાત

પ્રકાશિત

on

વડાપ્રધાન મોદીએ આજે રાષ્ટ્રને સંબોધિત કરતા જણાવ્યું હતું કે, સમગ્ર વિશ્ર્વની સાથે ભારતમાં પણ કોરોના વેકસીનને લઇને ઝડપભેર કામ ચાલી રહ્યું છે. વેકસીન દેશના દરેક નાગરિક સુધી પહોંચાડવામાં આવશે. આ માટે આપણા વૈજ્ઞાનિકો અને તંત્ર ખૂબ ઝડપભેર આયોજનમાં વ્યસ્ત બન્યા છે. પરંતુ જ્યાં સુધી કોઇ વેકસીન કે દવા ન મળે ત્યાં સુધી કોરોના સામેની લડાઇમાં કોઇપણ પ્રકારની ઢીલાશ નહીં રાખો. તેમણે દેશવાસીઓને અપીલ કરી હતી.
વડાપ્રધાન મોદીએ કોરોના મહામારી દરમ્યાન આજે સાતમી વખત દેશને સંબોધન કર્યું હતું. તેમના સંબોધન પહેલા સમગ્ર દેશમાં ભારે ઉત્તેજનાનો માહોલ જોવા મળ્યો હતો. વડાપ્રધાન શું કહેશે, શું કોઇ મોટી જાહેરાત કરશે કે પછી વધુ એક રાહત પેકેજ આપશે તેને લઇને અટકળોનું બજાર ગરમ હતું. પરંતુ વડાપ્રધાને તેમના ભાષણમાં કોરોના સામે સાવચેતીનો સૂર આલાપ્યો હતો. તેમણે કોરોનાથી બચવા માટે બે ગજનું અંતર રાખવા, વારંવાર હાથ ધોવા અને માસ્ક પહેરવા પર ભાર મૂક્યો હતો. તેમણે કહ્યું કે, આ તહેવારોમાં હું દેશના લોકોને ખુશ અને સ્વસ્થ જોવા ઇચ્છું છું. જે લોકો કોરોના સામે સાવધાની રાખતા નથી તેઓ વૃધ્ધો, બાળકો અને પોતાના પરિવારને ખતરામાં નાખી રહ્યાં છે. વડાપ્રધાને કહ્યું કે, લોકડાઉન ભલે જતું રહ્યું હોય પરંતુ કોરોના ગયો નથી. આપણે સમજવાનું છે કે, વાયરસ હજુ પણ આપણી વચ્ચે જ છે ત્યારે આપણી સ્થિતિને બગડવા દેવાની નથી. પરંતુ તેમાં સુધારો કરવાનો છે. કોરોનાકાળમાં આપણે ખૂબ જ લાંબી સફર કાપી છે, ધીમે-ધીમે આર્થિક ગતિવિધિઓમાં પણ તેજી આવી રહી છે અને તહેવારોની સીઝનમાં બજારોમાં રોનક પણ દેખાઇ રહી છે. આવા સમયે સૌ નાગરિકોની જવાબદારી વધી જાય છે. વડાપ્રધાને મીડિયા અને સોશ્યલ મીડિયા યુઝર્સને પણ કોરોનાને લઇને જનજાગૃતિ અભિયાન છેડવા આહવાન કર્યું હતું. પોતાના ટૂંકા સંબોધનમાં તેમણે દેશવાસીઓને નવરાત્રિ, ઇદ, ગુરૂનાનક જયંતી, દિવાળી, છઠ્ઠ પૂજા, દુર્ગા પૂજા સહિતના તહેવારોની શુભકામના પાઠવી હતી.

વધુ વાંચો

રાષ્ટ્રીય

“મેરે પ્યારે દેશ વાસીઓ” સાંજે 6 વાગ્યે રહેજો તૈયાર

વડાપ્રધાનના રાષ્ટ્રજોગ સંબોધનને લઇને દેશભરમાં વ્યાપી ઉતેજના

ખબર ગુજરાત

પ્રકાશિત

on

“મેરે પ્યારે દેશવાસીઓ” વડાપ્રધાન મોદીના આ શબ્દો આજે સાંજે ફરીથી સાંભળવા મળી શકે છે. અનલોક બાદ પ્રથમ વખત જ વડાપ્રધાન આજે સાંજે 6 વાગ્યે રાષ્ટ્રજોગ સંબોધન કરવાના છે. ત્યારે તેમના આ સંબોધનને લઇને સમગ્ર દેશમાં ઉતેજના વ્યાપી ગઇ છે. વડાપ્રધાન આ વખતે શુ સંદેશ આપશે તે સ્પષ્ટ નથી પરંતુ કોરોના વેકસીન સંદર્ભમાં કોઇ સારા સમાચાર અથવા આગામી તહેવારોમાં કોરોનાની ગાઇડલાઇનનું સખ્ત રીતે પાલન કરવાનો સંદેશ વડાપ્રધાન આપી શકે છે. જો કે આ માત્ર અટકળો છે.વડાપ્રધાન જ્યારે સંબોધશે ત્યારે જ ખબર પડશે કે તેઓ શું કહેવાના છે.

વડાપ્રધાન નરેન્દ્ર મોદી આજે સાંજે છ વાગ્યે રાષ્ટ્રજોગ સંબોધન કરશે. કોરોના વાયરસના સંકટ દરમિયાન વડાપ્રધાન મોદી આ અગાઉ પણ ઘણી વખત દેશને સંબોધી ચૂક્યા છે. લોકડાઉન- 4 અને અનલોક શરૂ થયા બાદ પહેલી વખત તેઓ દેશને સંદેશ આપશે. મંગળવારે બપોરે ટ્વીટ કરીને વડાપ્રધાને રાષ્ટ્રજોગ સંબોધન અંગે જણાવ્યું છે.

નોંધનીય છે કે સમગ્ર દેશ અત્યારે કોરોના વાયરસની વૈશ્વિક મહામારીમાંથી પસાર થઈ રહ્યું છે. એવામાં કેન્દ્ર સરકાર સતત નિયમોનું પાલન કરવા માટે અપીલ કરી રહી છે. દેશમાં અત્યારે તહેવારોના દિવસો ચાલી રહ્યા છે આગામી દિવસોમાં પણ તહેવારો આવી રહ્યા છે એવામાં સરકાર ફરી એક વખત નિયમો સખત બનાવી રહી છે.

વધુ વાંચો

રાષ્ટ્રીય

6 નવેમ્બરથી જામનગર-તિરુનેલવેલી વચ્ચે ટ્રેન દોડશે

ખબર ગુજરાત

પ્રકાશિત

on

પશ્ચિમ રેલવે દ્વારા દિવાળીના તહેવારોમાં યાત્રિકોના ટ્રાફિકને પહોંચી એક પછી એક લાંબા અંતરની ટ્રેન શરૂ કરી રહ્યું છે. આગામી તારીખ 6 નવેમ્બરથી દ્વિ-સાપ્તાહિક સ્પેશિયલ ટ્રેન ચલાવવાનો નિર્ણય કર્યો છે. રાજકોટના સિનિયર ડીસીએમ અભિનવ જેફ જણાવે છે કે, ટ્રેન નં. 09578 જામનગર-તિરુનેલવેલી વિશેષ ટ્રેન 6 નવેમ્બરથી પ્રત્યેક શુક્રવાર અને શનિવારે જામનગરથી રાત્રે 9.00 કલાકે રવાના થશે. રાજકોટ સ્ટેશન પર આ ટ્રેન એ જ દિવસે રાત્રે 10.31 કલાકે પહોંચશે અને તિરુનેલવેલી ત્રીજે દિવસે રાત્રે 10.10 કલાકે પહોંચશે. એવી જ રીતે પરત આવવામાં ટ્રેન નં. 09577 તિરુનેલવેલી-જામનગર વિશેષ ટ્રેન 9 નવેમ્બરથી પ્રત્યેક સોમવારે અને મંગળવારે તિરુનેલવેલીથી સવારે 7.35 કલાકે રવાના થશે અને રાજકોટ સ્ટેશન પર ત્રીજે દિવસે વહેલી સવારે 3.36 કલાકે અને જામનગર સ્ટેશન પર સવારે 5.15 કલાકે પહોંચશે. આ ટ્રેન રાજકોટ, સુરેન્દ્રનગર, અમદાવાદ, વડોદરા, અંકલેશ્વર, સુરત, વાપી, બોઈસર, વસઈ રોડ, પનવેલ, રત્નાગીરી, મડગાંવ, તિરુવનંતપુરમ સહિતના સ્ટેશનો પર રોકાશે. બુકિંગ 25 ઓક્ટોબરથી શરૂ થશે.

વધુ વાંચો
Advertisement

ટ્રેન્ડીંગ