Connect with us

રાષ્ટ્રીય

કેન્દ્ર સરકાર દ્વારા દેશના પોર્ટ ઉપર દેશી જહાજોને પ્રાથમિકતા અપાશે

ખબર ગુજરાત

પ્રકાશિત

on

વડાપ્રધાન નરેન્દ્ર મોદી દ્વારા લોકોને મેક ઇન ઇન્ડિયા ઉપર ભાર મૂકવા જણાવવામાં આવી રહ્યું છે. ત્યારે કેન્દ્ર સરકાર પણ મેક ઇન ઇન્ડિયાને પ્રોત્સાહન આપવા અનેક પ્રયાસો કરી રહી છે. કેન્દ્ર સરકાર દ્વારા મેક ઇન ઇન્ડિયાને પ્રોત્સાહન આપવા હવે દેશના પોર્ટ ઉપર દેશી જહાજોને વધુ પ્રોત્સાહન આપવા અને પ્રાથમિકતા આપવા નિર્ણય કર્યો છે.

દેશના પોર્ટ ઉપર હવે વિદેશ જહાજને પણ દેશી જહાજને પ્રાથમિકતા આપવામાં આવશે. આ માટે કેન્દ્ર સરકાર દ્વારા નિયમોમાં બદલાવ કરવામાં આવ્યો છે. કેન્દ્ર સરકારે દેશમાં મેક ઈન ઈન્ડિયાને પ્રોત્સાહન આપવા માટે આરઓએફઆર (રાઈટ ટુ ફર્સ્ટ રિફ્યૂઝલ)ની શરતોમાં મોટા ફેરફાર કર્યા છે. કોઈ જહાજ જો પુરી રીતે ભારતમાં બનેલું હશે અને તેની માલિકી કોઈ ભારતીય કંપનીની હશે તેમજ સાથે માલિક પણ ભારતમાં જ હશે તો તેને કેન્દ્ર સરકાર તરફથી માલની અવરજવર માટે પહેલી પ્રાથમિકતા મળશે. બીજી પ્રાથમિકતા એને મળશે જે જહાજ વિદેશમાં બન્યું હોય પણ તેનું સંચાલન ભારતીય કંપની દ્વારા થઈ રહ્યું છે. આ ઉપરાંત ભારતમાં જહાજ બન્યું હોય પણ તેને ચલાવનારી કંપની વિદેશી હોય અને માલિક પણ વિદેશી હોય તેના જહાજને ત્રીજી પ્રાથમિકતા અપાશે.

કેન્દ્ર સરકારના કહેવા પ્રમાણે દેશમાં ક્રૂડ ઓઈલ, કોલ, ફર્ટિલાઈઝર, ગેસ આ ચારની અવરજવર માટે પાંચ હજાર કરોડથી વધારે ખર્ચ કરવામાં આવે છે. આ ઉપરાંત દરેક વર્ષે ભારતમાં હજારો કરોડના માલની હેરફેર થાય છે. મેક ઈન ઈન્ડિયા હેઠળ ભારતમાં શિપિંગ ઈન્ડસ્ટ્રીઝને પ્રોત્સાહન આપવા માટે કેન્દ્ર સરકાર તરફથી આ નિર્ણય લેવામાં આવ્યો છે.’

રાષ્ટ્રીય

જેને બારમાસી કહેવાય હતી તે ‘અટલ ટનલ’ ભારે હિમવર્ષા થતા બંધ

ખબર ગુજરાત

પ્રકાશિત

on

હજુ થોડા સમય પહેલા જ ખુલ્લી મુકવામાં આવેલી હિમાચલ સ્થિત એશિયાની સૌથી લાંબી ‘અટલ ટનલ’ ભારે હિમવર્ષાને કારણે બંધ કરવાની ફરજ પડી છે. વડાપ્રધાન દ્વારા આ ટનલનું ઉદઘાટન કરવામાં આવ્યું હતું. ત્યારે આ ટનલના માધ્યમથી મનાલી અને લદાખ બારે માસ જોડાયેલા રહેવાનો દાવો કરવામાં આવ્યો હતો. પરંતુ પ્રથમ ભારે હિમવર્ષામાં જ આ ટનલ આવાગમન માટે બંધ કરવાની ફરજ પડી છે જેને કારણે મોટી સંખ્યામાં પર્યટકો ફસાઇ ગયા છે.

હિમાચલના લાહોલ સ્પિતી અને કુલુમાં બુધવારે ભારે હિમવર્ષા થઈ હતી, જેને પગલે અટલ ટનલ રોહતાંગને બંધ કરવામાં આવી છે. તેને લીધે લાહોલ ઘાટીમાં અનેક પ્રવાસી વાહનો ફસાઈ ગયાં છે. ઘાટીની બહાર નીકળવા માટે તેમને ટનલ ખૂલે એ માટે રાહ જોવી પડશે. અટલ ટનલ રોહતાંગના નોર્થ પોર્ટલ સિસુ તથા આજુબાજુનાં ક્ષેત્રોમાં 2 ફૂટથી વધારે બરફ જમા થઈ ગયો છે. ટનલના સાઉથ પોર્ટલમાં પણ 2 ફૂટથી વધારે હિમવર્ષા થઈ છે. ટનલના સાઉથ પોર્ટલમાં પણ 2 ફૂટથી વધારે બરફ જમા થઈ ગયો છે. આ સંજોગોમાં વાહનોનું પરિવહન સુરક્ષિત નથી.

માર્ગો પર પરિવહન સેવા શરૂ કરવા માટે કામ શરૂ કરવામાં આવ્યું છે, જેથી લાહોલ ઘાટીમાં ફસાયેલા પર્યટકોને સુરક્ષિત મનાલી તરફ લાવવામાં આવી શકે છે. વર્તમાન સમયમાં પર્યટકોને મનાલી તરફથી પલચાન સુધી જ મંજૂરી છે.

સમગ્ર હિમાચલ હિમવર્ષાને લીધે કોલ્ડવેવમાં છે. હવામાન વિભાગે શિમલા, કિન્નોર, કુલુ, લાહોલ-સ્પિતી તથા ચંબા જિલ્લામાં ભારે વરસાદ અને હિમવર્ષાને લઈ યલો એલર્ટ જારી કર્યું છે. મુખ્ય પર્યટન સ્થળો ખાતે તાપમાન માઈનસમાં પહોંચી ગયું છે. મનાલી, લાહોલ સ્પિતી-17, રોહતાંગ-7 અને કિન્નોરનું ન્યૂનતમ તાપમાન -12 ડીગ્રી થઈ ગયું છે.

વધુ વાંચો

રાષ્ટ્રીય

30 કરોડ લોકોને વેકિસન આપવા સરકારની યોજના તૈયાર

મતદાન મથકની જેમ બનાવવામાં આવશે વેકિસન બુથ

ખબર ગુજરાત

પ્રકાશિત

on

કોરોના સામેની કોઈ વેક્સિન હજી બજારમાં નથી આવી પણ સરકારે પહેલા તબક્કામાં જ 30 કરોડ લોકોને વેક્સિન આપવા માટેની તૈયારીઓ શરુ કરી દીધી છે.

સરકારની પ્રાથમિકતા પહેલા કોરોના વોરિયર્સ, હેલ્થ વર્ક્સ અને સિનિયર સિટિઝનને વેક્સિન આપવાની છે અને આ સંખ્યા 30 કરોડ જેટલી થવા જાય છે.આ માટે નીતિ આયોગે જે યોજના નક્કી કરી છે તે પ્રમાણે દેશભરમાં મતદાન મથકની જેમ વેક્સિન બૂથ પણ બનશે અને તેમાં લોકોને વેક્સિન આપવામાં આવશે.

મંગળવારે રાજ્ય સરકારોને કેન્દ્ર સરકારે આ માટે તૈયારીઓ કરવાના નિર્દેશ પણ આપ્યા છે.નીતિ આયોગના સદસ્ય વી કે પોલ દ્વારા તમામ રાજ્યોના મુખ્યમંત્રીઓને આ સંદર્ભમાં એક પ્રેઝન્ટેશન પણ બતાવાયુ હતુ.જેમાં વેક્સિન બૂથ માટે ટીમ બનાવાશે અને બ્લોક લેવલ પર વેક્સિન આપવાની રણનીતિ ઘડવામાં આવશે.સરકારી તેમજ ખાનગી ડોક્ટરોને આ અભિયાનમાં વિશેષ જવાબદારી આપવામાં આવશે અને આ પહેલા તેમને ટ્રેનિંગ પણ અપાશે.

વધુ વાંચો

રાષ્ટ્રીય

કોરોના અંગે કેન્દ્રની નવી ગાઈડલાઈન જાહેર

ખબર ગુજરાત

પ્રકાશિત

on

કેન્દ્ર સરકારે બુધવારે કોરોના અંગે નવી ગાઈડલાઈન જાહેર કરી છે. કેન્દ્રએ કહ્યું છે કે રાજ્યોને સાવચેતી રાખવી જોઈએ. દેખરેખ, કન્ટેનમેન્ટ તથા સાવધાનીની દ્રષ્ટિએ કડક વલણ અપનાવવું પડશે. રાજ્યોને છૂટ આપવામાં આવી છે કે તેઓ તેમની સ્થિતિને ધ્યાનમાં રાખીને નિયંત્રણો લાગૂ કરી શકે છે. કેન્દ્રની આ ગાઈડલાઈન 1લી ડિસેમ્બરથી લાગૂ થશે. કેન્દ્રએ કહ્યું છે કે અત્યાર સુધીમાં કોરોના સામેની લડાઈમાં આપણે સફળ રહ્યા છીએ, તેને આગળ પણ જાળવી રાખવાની છે. દેશમાં એક્ટિવ કેસોની ઘટી રહેલી સંખ્યાને જોતા આ બાબત સ્પષ્ટ થાય છે. અલબત, તહેવારની સિઝન તથા કેટલાક રાજ્યોમાં કેસોની સંખ્યા વધવાની સ્થિતિ જોવા મળી છે. આ રાજ્યોએ સાવચેતી રાખવી પડશે તથા કન્ટેનમેન્ટ, સર્વિલન્સ ઉપાયોને કડક રીતે લાગૂ કરવા પડશે.

ગાઈડલાઈન અનુસાર રાજ્યોએ કન્ટેનમેન્ટ ઝોનમાં નિયમોનું કડક પાલન કરવાનું રહેશે. સર્વિલન્સ સિસ્ટમને મજબૂત કરવી પડશે. રાજ્યોને છૂટ આપવામાં આવી છે કે તેઓ પોતાની સ્થિતિને ધ્યાનમાં રાખીને નિયંત્રણો લાગૂ કરી શકે છે. કન્ટેનમેન્ટ ઝોનમાં કડક અમલીકરણ માટે લોકોની અવર-જવરને અટકાવાની રહેશે. ફક્ત આવશ્યક ચીજવસ્તુઓ તથા મેડિકલ સામગ્રી માટે જ છૂટ મળશે. સર્વિલન્સ ટીમ ઘરે ઘરે જઈ કોરોનાના લક્ષણ ધરાવતા લોકોની ઓળખ કરશે. પ્રોટોકોલ પ્રમાણે ટેસ્ટિંગ હાથ ધરવાના રહેશે. સંક્રમિત વ્યક્તિના સંપર્કમાં આવનારા લોકોની યાદી બનાવવી. તેમની ઓળખ કરી ટ્રેક કરવામાં આવે તથા ક્વોરેન્ટિન કરવામાં આવે. સંક્રમિત વ્યક્તિની તાત્કાલિક સારવાર શરૂ કરવામાં આવે. તેને હોમ આઈસોલેશનમાં રાખવામાં આવે. જરૂર પડવાના સંજોગોમાં હોસ્પિટલમાં દાખલ કરવામાં આવે. ILI અને SARI કેસને સર્વિલન્સ કરવામાં આવે અને મોબાઈલ યુનિટ તેના સંપર્કમાં રહે. નિયંત્રણો લાગૂ કરવા તથા નિયમોનું પાલન કરાવવા માટે સ્થાનિક પ્રશાસન તથા પોલીસની જવાબદારી રહેશે.

વધુ વાંચો
Advertisement
Advertisement

ટ્રેન્ડીંગ