Connect with us

બિઝનેસ

મ્યુચ્યુઅલ ફંડોને 50 હજાર કરોડની લોન આપશે RBI

ફ્રેન્કલીન ટેમ્પલટને 6 સ્કીમ બંધ કરતા ઉભા થયેલા સંકટને ખાળવા પગલું

Khabar Gujarat

પ્રકાશિત

on

દેશની ટોચની મ્યુચ્યુઅલ ફંડ હાઉસ ફ્રેંકલિન ટેંપલટન ઈન્ડિયા દ્વારા 6 ક્રેડિટ સ્કીમ બંધ કરવાને કારણે ઉભા થયેલા સંકટને દૂર કરવા માટે રિઝર્વ બેંકે મ્યુચ્યુઅલ ફંડ માટે 50,000 કરોડ રૂપિયાની સ્પેશિયલ લિક્વિડિટી સુવિધાની જાહેરાત કરી છે. આરબીઆઈએ સોમવારે મ્યુચ્યુઅલ ફંડ માટે એક વિશેષ ઋણ યોજનાની જાહેરાત કરી જે અંતર્ગત તેમને 50,000 કરોડ રૂપિયાની લોન ઉપલબ્ધ કરાવવામાં આવશે જેથી ઉદ્યોગમાં લિક્વિડિટીનો સંકટ ઉભો ના થાય.

ફ્રેન્કલીન ટેમ્પલટન દ્વારા 6 સ્કીમ બંધ કરાતાં મ્યુચ્યુલ ફંડ સેક્ટરમાં સર્જાયેલી મૂડી પ્રવાહિતા ની સમસ્યાને ખાળવા રિઝર્વ બેન્ક દ્વારા 50,000 કરોડની સ્પેશિયલ લિકવિડીટી સ્કીમની જાહેરાત સોમવારે કરવામાં આવી છે.  રિઝર્વ બેન્ક દ્વારા સ્વીકારવમાં આવ્યું છે કે કોવિડ 19ની પરિસ્થિતિના કારણે મ્યુચ્યુલ ફંડ ઇન્ડસ્ટ્રીમાં મૂડી ખેંચની પરિસ્થિતિ સર્જાઈ છે.

આ સંજોગોમાં હાઈ રિસ્ક ડેટ સ્કીમ ધરાવતા મ્યુચ્યુલ ફંડ રિઝર્વ બેંકની આ સ્કીમ થકી નાણાં મેળવી મૂડી પ્રવાહિતા જાળવી શકશે. ફંડઝને 90 દિવસની સમય મર્યાદા માટે ફિક્સ્ડ રેપો રેટ હેઠળ આ સુવિધા અપાશે. ફ્રેન્કલિન ટેમ્પલટન દ્વારા 36000 કરોડની aum ( એસેટ અંડર મેનેજમેન્ટ) ધરાવતી 6 સ્કીમ બંધ કરવામાં આવી તેને પગલે મ્યુચ્યુઅલ ફંડમાં રોકાણ ધરાવતા રોકાણકારો ચિંતિત થઈ ઉઠ્યા છે. અન્ય ફંડઝ પણ આ માર્ગે હોવાની અટકળો સેવાઇ રહી છે. તેને પગલે લોકોનો વિશ્વાસ જાળવવા રિઝર્વ બેંક દ્વારા આ દરમિયાનગીરી કરવામાં આવી છે.

ફ્રેંકલિન ટેંપલટન મ્યુચ્યુલ ફંડે સ્વેચ્છાએ પોતાની છ ક્રેડિટ સ્કીમસ બંધ કરવાનો નિર્ણય લીધો હતો. કંપનીએ આ અંગે જણાવ્યું છે કે, કોરોનાના સંકટને કારણે લોકો ઝડપથી પોતના નાણાં કાઢી રહ્યા છે. જેનાથી કંપની પાસે રોકડની અછત થઈ ગઈ છે. હવે રિડમ્શનનું દબાણ વધતા તમામ ફંડોની સિક્યુરિટિઝ વેચવામાં આવશે. રોકાણકારોને વિવિધ તબક્કામાં નાણાં પરત કરવામાં આવશે.

બિઝનેસ

વિદેશી ફંડો લેવાલ બનતા શેરબજારમાં સળંગ ત્રીજા દિવસે તેજી

વિદેશી ફંડો લેવાલ બનતા શેરબજારમાં સળંગ ત્રીજા દિવસે તેજી

ખબર ગુજરાત

પ્રકાશિત

on

કોરોના વાયરસને નાથવા લાગુ કરાયેલા લોકડાઉન બાદ કેન્દ્ર સરકારે તબક્કાવાર અર્થતંત્રને ખોલવા માટે જાહેર કરેલા અનલોક-1 તેમજ પીએમ મોદી દ્વારા અર્થતંત્રમાં વિકાસ ચોક્કસ પરત ફરશે તેવા આશાવાદી નિવેદન પાછળ સ્થાનિક શેરબજારમાં તેજી જોવા મળી છે. પાંચ દિવસની રેલી છઠ્ઠા દિવસે પણ આગળ ધપતા પોઝિટિવ ગ્લોબલ અને ડોમેસ્ટિક પરિબળોના જોરે તેમજ વૈશ્વિક ફંડોની આકર્ષક લેવાલીના ટેકે સેન્સેક્સે ફરી એક વખત 34,000ની સપાટી તેમજ નિફ્ટીએ મહત્વની 10,000ની સપાટી કૂદાવી હતી. બુધવારના ઓપનિંગ સેશનમાં જ એચડીએફસીના બન્ને કાઉન્ટર્સ, આઈસીઆઈસીઆઈ બેન્ક તેમજ રિલાયન્સ ઈન્ડસ્ટ્રીઝના શેરમાં ઉછાળો નોંધાયો હતો.

બુધવારે બોમ્બે સ્ટોક એક્સચેન્જનો બેન્ચમાર્ક સેન્સેક્સ ઉપરમાં 34,422.71ની સપાટીને સ્પર્શ્યો હતો. એક તબક્કે 513.91 પોઈન્ટ અર્થાત 1.52 ટકાનો ઉછાળો જોવા મળ્યો હતો. નિફ્ટી આંક પણ ખુલતામાં 164.40 પોઈન્ટ વધીને 10,143.50ની સપાટીએ ટ્રેડ થયો છે. વૈશ્વિક મહામારી વચ્ચે ભારતીય અર્થતંત્રની ગાડી પાટા પર આવવાના આશાવાદ તેમજ વૈશ્વિક ફંડોના વેલ્યૂ બાઈંગના જોરે સ્થાનિક શેરબજારમાં સતત છઠ્ઠા સેશનમાં તેજી છવાયેલી રહી હતી. બજાજ ફાઈનાન્સમાં સૌથી વધુ છ ટકાનો ઉછાળો હતો. એક્સિસ બેન્ક, ઈન્ડસઈન્ડ બેન્ક, ઓએનજીસી, ટેક મહિન્દ્રા અને એચડીએફસી બેન્કના કાઉન્ટરમાં લાવલાવ જોવા મળ્યું હતુ.

બીજીતરફ આઈટી શેરો તેમજ ટેલિકોમ શેરોમાં વેચવાલીનું દબાણ રહેતા એક કલાકના ટ્રેડિંગ બાદ પ્રારંભિક ઉછાળો મર્યાદિત રહ્યો હતો. વૈશ્વિક ફંડોએ મંગળવારે 7,498.29 કરોડની નેટ લેવાલી કરી હતી. શેરબજાર છેલ્લા કેટલાક દિવસથી ઊંચો બેઝ બનાવવા મથી રહ્યું છે. જેને પગલે આગામી સમયમાં પોઝિટિવ સંકેતોને પગલે શેરોમાં વધુ લેવાલી થકી તેજી આગળ વધવાનો આશાવાદ જણાય છે તેમ એનાલિસ્ટ્સનું માનવું છે.

વૈશ્વિક સ્તરે પણ અર્થતંત્ર ધીરે ધીરે સ્થિર થઈ રહ્યું હોવાના સંકેતોથી ગ્લોબલ માર્કેટમાં રેલીને પગલે ઘરઆંગણે શેરબજારોમાં પ્રોત્સાહક ઉછાળો જોવા મળ્યો છે. વિદેશના બજારોમાં શાંઘાઈ, હોંગકોંગ, ટોક્યો અને સીઓલમાં બે ટકાનો ઉછાળો હતો. અમેરિકામાં અશ્વેતના કસ્ટડીમાં મોતને પગલે હિંસક તોફાનો બાદ ઈમર્જન્સીની સ્થિતિ વચ્ચે શેરબજારમાં ઉછાળો રહ્યો હતો અને ડાઉ જોન્સ 267 પોઈન્ટ વધીને જ્યારે નાસ્ડેક 56 પોઈન્ટના ઉછાળે બંધ રહ્યા હતા.

વધુ વાંચો

બિઝનેસ

શેરબજારને અનલોક-1 ફળ્યુ, 1000 અંકનો જમ્પ

શેરબજારને અનલોક-1 ફળ્યુ, 1000 અંકનો જમ્પ

ખબર ગુજરાત

પ્રકાશિત

on

અનલોક 1માં સરકાર દ્વારા આપવામાં આવેલ અમુક વધુ છૂટના પગલે માર્કેટને સપોર્ટ મળ્યો છે. બીએસઈ પર બેંચમાર્ક ઈન્ડેક્સ સેન્સેક્સ અગાઉના બંધ 32,424 સામે આજે 32,906 પર ખુલી હાલ 1005 અંક ઉછળીને 33,370 નજીક ટ્રેડ કરી રહ્યો છે.

જ્યારે બીજી તરફ નિફ્ટી 50 આંક પણ અગાઉના બંધ 9,580 સામે આજે 9,726 પર ખુલી હાલ 212 અંક વધીને 9,794 નજીક કારોબાર કરી રહ્યો છે. ઉપરાંત, આજે બેંકિંગ સેક્ટર્સમાં પણ જબરદસ્ત પોઝિટિવ સેન્ટિમેન્ટ્સ જોવા મળી રહ્યા છે. જેના કારણે બેંક નિફ્ટી ઇન્ડેક્સ 751 અંક કૂદીને 20 હજારને પાર 20,007 નજીક ટ્રેડ કરી રહ્યો છે. બીએસઈ પર મીડકેપ અને સ્મોલકેપ ઈન્ડેક્સ પણ અનુક્રમે 1.78 ટકા અને 2.02 ટકા વધીને કારોબાર કરી રહ્યા છે.

વિવિધ સેક્ટર્સની વાત કરીએ તો આજે રિયાલિટી, પાવર, મેટલ, ઓટો એમ લગભગ તમામ સેક્ટર વધીને કારોબાર કરી રહ્યા છે. મીડિયા રિપોર્ટ મુજબ લગભગ 757 સ્ક્રિપમાં તેજી અને 97 શેર્સ ગગડીને ટ્રેડ કરી રહ્યા છે. જ્યારે 42 શેર્સમાં કોઈ ફેરફાર હાલ જોવા મળ્યો નથી. અનલોક 1માં સરકાર દ્વારા આપવામાં આવેલ વધુ છૂટછાટ, ગ્લોબલ પોઝિટિવ સંકેત અને એશિયન માર્કેટ્સના સકારાત્મક વલણના કારણે આજે માર્કેટને સપોર્ટ મળ્યો છે.

વધુ વાંચો

બિઝનેસ

શેરબજાર/ જૂન સીરીઝનાં નબળા પ્રારંભ બાદ જોવાયો સુધારો

શેરબજાર/ જૂન સીરીઝનાં નબળા પ્રારંભ બાદ જોવાયો સુધારો

ખબર ગુજરાત

પ્રકાશિત

on

શેરબજારમાં આજે જૂન સીરીઝના નબળા પ્રારંભ બાદ સુધારો જોવાયો હતો. પ્રારંભમાં સેન્સેકસમાં 350 પોઇન્ટનું ગાબડું પડ્યું હતું. પર:તુ બાદમાં બજાર સુધરીને ગ્રીનઝોનમાં આવી ગયું હતું. આ લખાય છે ત્યારે 11 વાગ્યે બજારમાં ફલેટ કારોબાર જોવા મળી રહ્યો છે.

વધુ વાંચો

ટ્રેન્ડીંગ