Connect with us

આંતરરાષ્ટ્રીય

UN મહાસભામાં વડાપ્રધાન મોદીનું ચોક્ખું ને ચટ્ટ

વડાપ્રધાને પોતાના ભાષણ માં એવુતે શું કહ્યું કે UN ની બોલતી થઇ બંધ

ખબર ગુજરાત

પ્રકાશિત

on

વડાપ્રધાન નરેન્દ્ર મોદીએ આજે સંયુક્ત રાષ્ટ્ર સંઘની 75મી જનરલ એસેમ્બલીને સંબોધિત કરી હતી. સંયુક્ત રાષ્ટ્રની વર્ચુઅલ બેઠકમાં પીએમ મોદીએ ભારતને સંયુક્ત રાષ્ટ્ર સુરક્ષા સમિતિના કાયમી સભ્યપદને લઈને બિલકુલ શબ્દો ચોર્યા વગર ખુલીને ચોખે ચોખુ પુછી લીધું હતું. પીએમ મોદીએ કોરોના વાયરસની વેક્સીન મામલે દુનિયા આખીને મોટું આશ્વાસન બંધાવ્યું હતું. પોતાની સરકારની સફળતાઓ ગણાવતા આતંકવાદ મામલે પાકિસ્તાનને પણ સંભળાવી દીધું હતું.

વડાપ્રધાન નરેન્દ્ર મોદીએ UN મહાસભાના સંબોધનમાં આક્રમક અંદાજમાં નજરે પડ્યાં હતાં. પીએમ મોદીએ છેલ્લા કેટલાક સમયથી ચીનનું ખુલ્લેઆમ સમર્થન કરી રહેલા સંયુક્ત રાષ્ટ્રને પણ બરાબરનું ઝાટકતા કહ્યું હતું કે, ગત 8-9 મહિનાથી દુનિયા આખી કોરોના મહામારી સામે ઝઝુમી રહી છે. આ વૈશ્વિક મહામારીનો સામનો કરવાના પ્રયાસોમાં સંયુક્ત રાષ્ટ્ર ક્યાં છે? એક પ્રભાવશાળી રિસ્પોંસ ક્યાં છે?

 

પોતાના 22 મીનીટના આ ભાષણમાં વડાપ્રધાન નરેન્દ્ર મોદીએ સંયુક્ત રાષ્ટ્ર પર ગંભીર સવાલ ખડા કર્યા હતાં. સાથો સાથ UN પાસે સુચનો પણ માંગ્યા હતાં. તેમણે વેધક સવાલ કરતા કહ્યું હતું કે, સંયુક્ત રાષ્ટ્રની પ્રતિક્રિયાઓમાં ફેરફાર, વ્યવસ્થાઓમાં બદલાવ અને સ્વરૂપમાં પણ પરિવર્તન કરવુ એ આજના સમયની માંગણી છે. ભારતના લોકો સંયુક્ત્ત રાષ્ટ્રમાં સુધારને લઈને જે પ્રક્રિયા ચાલી રહી છે તેને પુરી થવાની ઘણા લાંબા સમયથી રાહ જોઈ રહ્યાં છે. ભારતના લોકોને ચિંતા છે કે, શું આ પ્રક્રિયાઓ ક્યારેય યોગ્ય અંજામ સુધી પહોંચશે પણ શકશે કે કેમ?

 

દુનિયાની એક મોટી મહાશક્તિ તરીકે ભારતનું  અત્યાર સુધી સંયુક્ત રાષ્ટ્ર સુરક્ષા પરિષદ (UNSC)માં ના હોવું હેરાન કરનારું છે. વડાપ્રધાને પણ પોતાના ભાષણમાં આ ‘ઉપેક્ષા’ પ્રત્યે સ્પષ્ટ રીતે વિરોધ જાહેર કરી દીધો હતો. તેમણે UN પર જ સવાલ ઉઠાવતા કહ્યું હતું કે, આખરે ક્યાં સુધી ભારતને સંયુક્ત રાષ્ટ્રના ડિસિઝન મેકિંગ સ્ટ્રક્ચર (નિર્ણય કરતા માળખા)થી વંચિત રાખવામાં આવશે?

પીએમ મોદીએ સંયુક્ત રાષ્ટ્રને ચોખા શબ્દોમાં સંભળાવી દીધું હતું કે, એક એવો દેશ કે જે દુનિયાનું સૌથી મોટું લોકતંત્ર છે, એક એવો દેશ જ્યાં દુનિયાની 18 ટકાથી પણ વધારે જનસંખ્યા રહે છે, એક એવો દેશ જ્યાં સેંકડો ભાષાઓ બોલાય છે અને અનેક પંથ છે, અનેક વિચારધારાઓ છે. જે દેશે વર્ષો સુધી વૈશ્વિક અર્થવ્યવસ્થાનું નેતૃત્વ કરવા અને વર્ષોની ગુલામીના દિવસો જોયા છે. જે દેશમાં થઈ રહેલા પરિવર્તનોનો પ્રભાવ દુનિયાના વિશાળ ભૂભાગ પર પડે છે, એ દેશે આખરે ક્યાં સુધી રાહ જોવી પડશે?

 

આંતરરાષ્ટ્રીય

વિશ્વમાં આગામી 20 વર્ષ સુધી રહેશે કોરોના સંક્રમણ

સીરમ ઇન્સ્ટીટ્યુટના સીઇઓ અદર પુનાવાલાએ કહ્યું 20 વર્ષ સુધી વેકસીનની જરૂર પડશે

ખબર ગુજરાત

પ્રકાશિત

on

જો આપ વિચારતા હો કે કેટલાક મહિનાઓમાં કોરોનાની અસર ખતમ થઇ જશે તો આ વિચાર બદલવાની જરૂર છે. વિશ્વની સૌથી મોટી રસી નિર્માણ કંપની સીરમ ઇન્સ્ટીટ્યુટના સીઇઓ અદર પુનાવાલાએ કહ્યું છે કે, આગામી 20 વર્ષ સુધી દુનિયામાં કોરોનાનું સંક્રમણ રહેશે અને ત્યાં સુધી તેના વેકસીનની જરૂર પડતી રહેશે.

પુનાવાલાએ કહ્યું કે , ઇતિહાસમાં એવું ક્યાં જોવા નથી મળ્યું કે વેકસીનની જરૂરિયાત એક વખતમાં ખતમ થઇ ગઇ હોય તેમણે કહ્યું કે, ફ્લુ, નિમોનિયા, ચેચક, પોલીયોની રસી ઘણાં લાંબા વર્ષોથી આપવામાં આવી રહી છે છતાં એકપણ બિમારી ગઇ નથી. તેમણે એમ પણ કહ્યું કે, વિશ્વની 100 ટકા વસ્તીના રસીકરણ કરવામાં આવે તો પણ કોરોના વેકસીનની જરૂરિયાત ખતમ નહી થાય રસી કોઇ નક્કર વિજ્ઞાન નથી પરંતુ તે ઇમ્યુનીટીને વધારે છે. અને તમને બચાવે છે તથા બિમારીની અસરને ઘટાડે છે. પરંતુ તે સંક્રમણથી 100 ટકા બચાવી શકતી નથી.

અદર પુનાવાલાએ કહ્યું કે, સીરમ ઇન્સ્ટીટ્યુટ 2021-22ના અંત સુધીમાં કોરોનાની અલગ અલગ 5 વેકસીનના એક અબજ ડોઝ તૈયાર કરશે. દર 3 મહિને એક રસી લોન્ચ કરવાની યોજના છે. જેની શરૂઆત કોવીસીલ્ડથી થશે. જે લગભગ આવતા વર્ષની શરૂઆતમાં આવી જશે.

વધુ વાંચો

આંતરરાષ્ટ્રીય

મોદીના મિત્ર ટ્રમ્પે ભારત-રશિયાને ‘ગંદા’ કહ્યા

ખબર ગુજરાત

પ્રકાશિત

on

અમેરિકાના રાષ્ટ્રપતિની ચૂંટણી અગાઉ અંતિમ પ્રેસિડેન્શિયલ ડિબેટમાં ડોનાલ્ડ ટ્રમ્પે ભારત તેમજ રશિયા પર પોતાનો બળાપો કાઢ્યો છે. ટ્રમ્પે દાવો કર્યો છે કે ભારત, ચીન અને રશિયામાં હવાની ગુણવત્તા અત્યંત ખરાબ છે. ટ્રમ્પે ભારતની સાથે રશિયા અને ચીનને ગંદા ગણાવ્યા હતા. આ દેશો તેમની હવાની ગુણવત્તાનું ધ્યાન નથી રાખી રહ્યા, જ્યારે અમેરિકા હંમેશા એર ક્વોલિટી પ્રત્યે સતર્ક રહે છે. ટ્રમ્પે પેરિસ જળવાયુ સંધિમાંથી અમેરિકાના ખસી જવાની વાતનું પુનરાવર્તન કરતા કહ્યું કે, આમ કરવાથી યુએસ બિન-પ્રતિસ્પર્ધી રાષ્ટ્ર બની ગયું છે.

ટ્રમ્પે પ્રેસિડેન્ટ પદના તેમના પ્રતિસ્પર્ધી અને ડેમોક્રેટ ઉમેદવાર જો બિડેન સાથે એક ચર્ચા દરમિયાન કહ્યું કે, ચીનને જૂઓ, ત્યાં કેટલી ગંદી હવા છે. રશિયાને જૂઓ, ભારતને પણ જૂઓ. આ દેશોમાં વાયુ પ્રદૂષણ છે. હું પેરિસ સંધિમાંથી બહાર એટલા માટે થયો કારણ કે આપણે અરબો ડોલર કાઢવાના હતા. આપણી સાથે ખોટું વર્તન કરાયું હતું.

ટ્રમ્પે જણાવ્યું કે, પેરિસ સંધિને પગલે આપણે લાખો નોકરીઓ અને હજારો કંપનીઓનું બલિદાન ના આપી શકીએ…આ ઘણું અયોગ્ય છે. કોરોના સંક્રમણને પગલે બન્ને નેતાઓએ ડિબેટ અગાઉ હસ્તધૂનન કરવાનું ટાળ્યું હતું.

ગત વર્ષે અમેરિકાએ ઔપચારિક રીતે પેરિસ જળવાયુ પરિવર્તનમાંથી પીછેહઠ કરી લીધી હતી અને સંયુક્ત રાષ્ટ્રને આ અંગે જાણ કરી હતી. જળવાયુ પરિવર્તન માટે પેરિસ સંધિ એક વૈશ્વિક સમજૂતિ હતી જેને લાગુ કરવામાં ટ્રમ્પના પુરોગામી રાષ્ટ્રપતિ બરાક ઓબામાની મહત્વની ભૂમિકા રહી હતી. પેરિસ જળવાયુ પરિવર્તનનો ઉદ્દેશ સકારાત્મક પગલા દ્વારા વૈશ્વિક તાપમાનને 2 ડિગ્રી સેલ્યિસય સુધી ઘટાડવા સહિયારા પ્રયાસનો હતો.

વધુ વાંચો

આંતરરાષ્ટ્રીય

વૈજ્ઞાનિકોએ માનવ શરીરમાં નવું અંગ શોધ્યું

ખબર ગુજરાત

પ્રકાશિત

on

નેધરલેન્ડની કેન્સર ઇન્સ્ટીટ્યુટના વિજ્ઞાનીઓએ માનવ શરીરમાં અત્યાર અગાઉ જેની જાણ નહોતી એવું એક વધારાનું અંગ શોધી કાઢ્યાનો દાવો કર્યો હતો. છેલ્લાં ત્રણસો વર્ષમાં પહેલીવાર શોધાયેલા આ અંગને વિજ્ઞાનીઓ ઐતિહાસિક સંશોધન ગણાવતા હતા.

નાકની પાછળ અને ગળાની સહેજ જ ઉપર દોઢ ઇંચનું આ અંગ આવેલું છે. વિજ્ઞાનીકો કહે છે કે ગળાના અને મસ્તકના કોઇ પણ અવયવના કેન્સરની સારવારમાં આ સંશોધન સહાયરૂપ નીવડશે. સામાન્ય રીતે કેન્સરની સારવારમાં ખાસ કરીને રેડિયોથેરપીની ટેક્નિક્સ વધારવામાં અને સમજવામાં પણ આ સંશોધન ઉપયોગી નીવડશે એવું વિજ્ઞાનીઓ કહે છે.

સામાન્ય રીતે ગળાના કેન્સરમાં દર્દીને કોઇ ખાદ્ય પદાર્થ કે પ્રવાહી ગળવામાં અત્યંત પીડાનો અઙેસાસ થતો હોય છે. આ પ્રકારની સમસ્યાઓ આ નવા અંગની શોધથી ઓછી થશે એવું વિજ્ઞાનીઓ માને છે. રેડિયોથેરપી એન્ડ ઓન્કોલોજી નામના સામયિકમાં પ્રગટ થયેલા અહેવાલ મુજબ માનવ શરીરમાં રહેલી આ અત્યંત સૂક્ષ્મ (માઇક્રોસ્કોપીક) લાળગ્રંથિઓ (સલાઇવરી ગ્લાન્ડ્સ) ચિકિત્સા શાસ્ત્રમાં ખૂબ મહત્ત્વની સાબિત થશે. અત્યાર અગાઉ આપણને આ લાળગ્રંથિની માહિતી નહોતી. એનું કારણ એ હતું કે આ ગ્રંથિઓ ટોરસ ટ્યુબેરિયસ નામની કાર્ટિલેજના એક હિસ્સા પર લાગેલી હતી.

રિપોર્ટમાં વધુમાં જણાવાયું હતું કે આ મુદ્દે વધુ ગહન સંશોધનની જરૂર છે જેથી આ ગ્રંથિઓ વિશે ઝીણામાં ઝીણી વિગતો આપણને મળી શકે. આ વિશે સંપૂર્ણ માહિતી મળી જાય તો છેલ્લાં ત્રણસો વર્ષમાં આ પહેલી સૌથી મોટી તબીબી શોધ ગણાશે.

વધુ વાંચો

ટ્રેન્ડીંગ