Connect with us

આંતરરાષ્ટ્રીય

દુબઇના નબળા અર્થ તંત્રને ઉગારવા નિવૃત વિદેશી ધનવાનો માટે યોજના

ખબર ગુજરાત

પ્રકાશિત

on

મધ્યપૂર્વના બિઝનેસ હબ જેવા દુબઇ ખાતે અર્થતંત્ર નબળું થતાં માઇગ્રન્ટ્સ ધનવાનો ઉચાળા ભરી રહ્યાં છે. તેવામાં સંયુક્ત આરબ અમિરાત દ્વારા તાકીદે પોતાની બે વર્ષ જૂની યોજના પુનઃ અમલી બનાવવાના ચક્રો ગતિમાન થયા છે. દુબઇ  હવે મોટી ઉંમરના નિવૃત્ત વિદેશી ધનવાનોને દુબઇમાં આવવા આકર્ષવા ખાસ વિઝા યોજના અમલી બનવવા જઈ રહ્યું છે.

આ યોજના હેઠળ ૫૫ વર્ષથી મોટી ઉંમરના વિદેશીઓ જો નક્કી થયેલા માપદંડ મુજબની યોગ્યતા ધરાવતા હશે તો તેમને પાંચ વર્ષના રિન્યૂએબલ વિઝા પૂરા પાડવામાં આવશે. તેલ બાબતે આત્મનિર્ભર દુબઇ વેપાર અને પર્યટન ઉદ્યોગ પર નભે છે. કોરોના મહામારીએ અર્થતંત્રને હચમચાવી નાખ્યું તેના ત્રણ વર્ષ પહેલાંથી જ દુબઇમાં વસતી વધવાનો દર મંદ પડી ગયો હતો. નોકરીઓની તક ખતમ થવા લાગતાં દુબઇને ભય સતાવી રહ્યો છે કે માઇગ્રન્ટસ મોટી સંખ્યામાં ઉચાળા ભરીને વતન ભણી પાછા ફરશે.

દુબઇની વસતીમાં આમ તો ૯૦ ટકા વિદેશી છે. પરંતુ તેમનો રહેવાસ રોજગારી સાથે સંકળાયેલો છે. તેને કારણે રોકાણો કરીને દુબઇમાં વસવાટ કરવાથી તેઓ દૂર રહે છે. પરંતુ વસતીની જૂની સપાટી પાછી મેળવવા સંયુક્ત આરબ અમિરાત કેબિનેટે સપ્ટેમ્બર ૨૦૧૮માં જે યોજનાને મંજૂરી આપી હતી તે વિઝા યોજનાને અમલમાં મૂકવા નિર્ણય લેવામાં આવ્યો છે.

વિઝા પ્રાપ્ત કરવા માટે નિવૃત્તિ વ્યક્તિ માસિક ૨૦,૦૦૦ દિરહામ ( ૫,૪૪૫ ડોલર)ની આવક ધરાવતી હોવી જોઈએ.તેની પાસે ૧૦ લાખ દિરહામની બચત હોવી જોઈએ. દુબઇ ખાતે ૨૦ લાખ દિરહામની મિલકતોની માલિકી હોવી જોઈએ.

આંતરરાષ્ટ્રીય

અમેરિકામાં એવો વાયરસ મળ્યો જે મગજને ખાઇ જાય છે

અમેરિકાના આઠ શહેરોમાં એલર્ટ અપાયું

ખબર ગુજરાત

પ્રકાશિત

on

કોરોના વાયરસસથી ઝઝૂમી રહેલા અમેરિકામાં પીવાના પાણીના સપ્લાયની અંદર મગજને ખાનાર ઘાતક અમીબા મળતા 8 શહેરોમાં એલર્ટ જાહેર કરી દેવાયું છે. આ અમીબા દક્ષિણ પૂર્વ ટેક્સાસમાં પેયજળની અંદર મળ્યા છે. તેના લીધે એક કસબામાં ઇમરજન્સી જાહેર કરી દેવાઇ છે. ટેક્સાસના પર્યાવરણ કમિશનની તરફથી રજૂ કરવામાં આવેલી ચેતવણીમાં નાગરિકોને કહ્યું કે તેઓ પાણીનો ઉપયોગ કરે નહીં.

આ અમીબાનું નામ નેગલેરિયા ફાઉલરાલી કહેવાય છે. આ વ્યક્તિના મગજને ખાઇ જાય છે. શુક્રવારના રોજ તેણે પાણીની અંદર જોવા મળ્યા. કમિશને કહ્યું હતું કે તેઓ આ સમસ્યાનું વહેલામાં વહેલી તકે નિરાકરણનો પ્રયાસ કરી રહ્યા છે. અમેરિકાના રોગ નિવારણ કેન્દ્રના મતે આ મગજને ખાનારા બેક્ટેરિયા માટી, ગરમ તળાવ, નદીઓ અને ગરમ પ્રવાહોમાં જોવા મળે છે.

કેન્દ્ર એ જણાવ્યું હતું કે આ બેક્ટેરિયા સ્વીમીંગ પુલ અને ફેક્ટરીઓમાંથી છોડવામાં આવતા ગરમ પાણીમાં હોય છે. ચેતવણીમાં કહેવામાં આવ્યું છે કે જેકસન, ફ્રીપોર્ટ, એંગ્લેટન, બ્રાજોરિયા, રિચવુડ, ઓયસ્ટર ક્રિક, ક્લૂટ, રોજેનબર્ગના લોકોને કહ્યું છે કે તેઓ પાણીનો ઉપયોગ ના કરે. લેક જેકસન વિસ્તારમાં આપત્તિ જાહેર કરવામાં આવી છે.

વધુ વાંચો

આંતરરાષ્ટ્રીય

UN મહાસભામાં વડાપ્રધાન મોદીનું ચોક્ખું ને ચટ્ટ

વડાપ્રધાને પોતાના ભાષણ માં એવુતે શું કહ્યું કે UN ની બોલતી થઇ બંધ

ખબર ગુજરાત

પ્રકાશિત

on

વડાપ્રધાન નરેન્દ્ર મોદીએ આજે સંયુક્ત રાષ્ટ્ર સંઘની 75મી જનરલ એસેમ્બલીને સંબોધિત કરી હતી. સંયુક્ત રાષ્ટ્રની વર્ચુઅલ બેઠકમાં પીએમ મોદીએ ભારતને સંયુક્ત રાષ્ટ્ર સુરક્ષા સમિતિના કાયમી સભ્યપદને લઈને બિલકુલ શબ્દો ચોર્યા વગર ખુલીને ચોખે ચોખુ પુછી લીધું હતું. પીએમ મોદીએ કોરોના વાયરસની વેક્સીન મામલે દુનિયા આખીને મોટું આશ્વાસન બંધાવ્યું હતું. પોતાની સરકારની સફળતાઓ ગણાવતા આતંકવાદ મામલે પાકિસ્તાનને પણ સંભળાવી દીધું હતું.

વડાપ્રધાન નરેન્દ્ર મોદીએ UN મહાસભાના સંબોધનમાં આક્રમક અંદાજમાં નજરે પડ્યાં હતાં. પીએમ મોદીએ છેલ્લા કેટલાક સમયથી ચીનનું ખુલ્લેઆમ સમર્થન કરી રહેલા સંયુક્ત રાષ્ટ્રને પણ બરાબરનું ઝાટકતા કહ્યું હતું કે, ગત 8-9 મહિનાથી દુનિયા આખી કોરોના મહામારી સામે ઝઝુમી રહી છે. આ વૈશ્વિક મહામારીનો સામનો કરવાના પ્રયાસોમાં સંયુક્ત રાષ્ટ્ર ક્યાં છે? એક પ્રભાવશાળી રિસ્પોંસ ક્યાં છે?

 

પોતાના 22 મીનીટના આ ભાષણમાં વડાપ્રધાન નરેન્દ્ર મોદીએ સંયુક્ત રાષ્ટ્ર પર ગંભીર સવાલ ખડા કર્યા હતાં. સાથો સાથ UN પાસે સુચનો પણ માંગ્યા હતાં. તેમણે વેધક સવાલ કરતા કહ્યું હતું કે, સંયુક્ત રાષ્ટ્રની પ્રતિક્રિયાઓમાં ફેરફાર, વ્યવસ્થાઓમાં બદલાવ અને સ્વરૂપમાં પણ પરિવર્તન કરવુ એ આજના સમયની માંગણી છે. ભારતના લોકો સંયુક્ત્ત રાષ્ટ્રમાં સુધારને લઈને જે પ્રક્રિયા ચાલી રહી છે તેને પુરી થવાની ઘણા લાંબા સમયથી રાહ જોઈ રહ્યાં છે. ભારતના લોકોને ચિંતા છે કે, શું આ પ્રક્રિયાઓ ક્યારેય યોગ્ય અંજામ સુધી પહોંચશે પણ શકશે કે કેમ?

 

દુનિયાની એક મોટી મહાશક્તિ તરીકે ભારતનું  અત્યાર સુધી સંયુક્ત રાષ્ટ્ર સુરક્ષા પરિષદ (UNSC)માં ના હોવું હેરાન કરનારું છે. વડાપ્રધાને પણ પોતાના ભાષણમાં આ ‘ઉપેક્ષા’ પ્રત્યે સ્પષ્ટ રીતે વિરોધ જાહેર કરી દીધો હતો. તેમણે UN પર જ સવાલ ઉઠાવતા કહ્યું હતું કે, આખરે ક્યાં સુધી ભારતને સંયુક્ત રાષ્ટ્રના ડિસિઝન મેકિંગ સ્ટ્રક્ચર (નિર્ણય કરતા માળખા)થી વંચિત રાખવામાં આવશે?

પીએમ મોદીએ સંયુક્ત રાષ્ટ્રને ચોખા શબ્દોમાં સંભળાવી દીધું હતું કે, એક એવો દેશ કે જે દુનિયાનું સૌથી મોટું લોકતંત્ર છે, એક એવો દેશ જ્યાં દુનિયાની 18 ટકાથી પણ વધારે જનસંખ્યા રહે છે, એક એવો દેશ જ્યાં સેંકડો ભાષાઓ બોલાય છે અને અનેક પંથ છે, અનેક વિચારધારાઓ છે. જે દેશે વર્ષો સુધી વૈશ્વિક અર્થવ્યવસ્થાનું નેતૃત્વ કરવા અને વર્ષોની ગુલામીના દિવસો જોયા છે. જે દેશમાં થઈ રહેલા પરિવર્તનોનો પ્રભાવ દુનિયાના વિશાળ ભૂભાગ પર પડે છે, એ દેશે આખરે ક્યાં સુધી રાહ જોવી પડશે?

 

વધુ વાંચો

આંતરરાષ્ટ્રીય

યુક્રેનમાં સેનાનું વિમાન ક્રેશ થતાં 22ના મોત

ખબર ગુજરાત

પ્રકાશિત

on

યૂક્રેનમાં એક મોટી વિમાન દુર્ઘટના ઘટી છે. મળતી માહિતી અનુસાર 28 લોકોને લઈને જઈ રહેલું વાયુસેનાનું એક વિમાન શુક્રવારે સાંજે દુર્ઘટનાગ્રસ્ત થયું હતું. આ દુર્ઘટનામાં 22 લોકોના ઘટના સ્થળે મોત થયા છે તો 6 લોકોના કોઈ સમાચાર નથી.ઘટનાની જાણકારી યૂક્રેન મંત્રીએ આપી હતી.

તેઓએ કહ્યું હતું કે વિમાનમાં મોટાભાગે સવારી કરનારામાં વિદ્યાર્થીઓ હતા. આ સાથે 7 ક્રૂ મેમ્બર્સ પણ હતા. ઘટના કયા કારણે બની છે તેનું કારણ જાણવાની તપાસ થઈ રહી છે. આ સાથે તેઓએ કહ્યું હતું કે તેઓ જલ્દી જ ઘટનાસ્થળે જશે.

વધુ વાંચો

ટ્રેન્ડીંગ