Connect with us

બિઝનેસ

એપ્રિલ એકસપાઇરીના દિવસે સેન્સેકસ 1000 પોઇન્ટ ઉછળ્યો

એપ્રિલ એકસપાઇરીના દિવસે સેન્સેકસ 1000 પોઇન્ટ ઉછળ્યો

ખબર ગુજરાત

પ્રકાશિત

on

આજે એપ્રિલ એકસપાઇરીના દિવસે ભારતીય શેરબજારમાં જબ્બરદસ્ત તેજી જોવા મળી રહી છે. સેન્સેકસમાં 1000 પોઇન્ટનો જ્યારે નિફટીમાં 300 પોઇન્ટ જેટલો ઉછાળો નોંધાયો છે. સતત ત્રીજા દિવસે ભારતીય શેરબજારમાં તેજીનો માહોલ છવાતાં રોકાણકારોના ચહેરા મલકી ઉઠ્યા છે.

વૈશ્ર્વિક શેરબજારોમાં પોઝિટીવ સંકેતો પ્રાપ્ત થતાં આપણા બજાર પણ ગેપ-અપ સાથે ખુલ્લા હતા. બાદમાં આ તેજી આગળ વધી હતી. શેરબજારમાં આજે એપ્રિલ સિરિઝનો અંતિમ દિવસ હોય ત્યારે ઓટો બેન્કીંગ અને આઇ.ટી. શેર્સમાં ઉછાળો જોવા મળી રહ્યો છે. મંદી અને લોકડાઉનના માહોલમાં સતત ત્રણ દિવસની તેજી ભારતીય રોકાણકારો માટે આશાનું કિરણ બની રહી છે. આજે વધનારા શેરમાં મારૂતિ, આઇ.સી.આઇ.સી.આઇ, એમ.એન્ડ એમ, બજાજ ફાઇનાન્સ, ઇન્ફોસિસ, સનફાર્મા જેવી દિગ્ગજ કંપનીઓનો સમાવેશ થાય છે.

બિઝનેસ

વિદેશી ફંડો લેવાલ બનતા શેરબજારમાં સળંગ ત્રીજા દિવસે તેજી

વિદેશી ફંડો લેવાલ બનતા શેરબજારમાં સળંગ ત્રીજા દિવસે તેજી

ખબર ગુજરાત

પ્રકાશિત

on

કોરોના વાયરસને નાથવા લાગુ કરાયેલા લોકડાઉન બાદ કેન્દ્ર સરકારે તબક્કાવાર અર્થતંત્રને ખોલવા માટે જાહેર કરેલા અનલોક-1 તેમજ પીએમ મોદી દ્વારા અર્થતંત્રમાં વિકાસ ચોક્કસ પરત ફરશે તેવા આશાવાદી નિવેદન પાછળ સ્થાનિક શેરબજારમાં તેજી જોવા મળી છે. પાંચ દિવસની રેલી છઠ્ઠા દિવસે પણ આગળ ધપતા પોઝિટિવ ગ્લોબલ અને ડોમેસ્ટિક પરિબળોના જોરે તેમજ વૈશ્વિક ફંડોની આકર્ષક લેવાલીના ટેકે સેન્સેક્સે ફરી એક વખત 34,000ની સપાટી તેમજ નિફ્ટીએ મહત્વની 10,000ની સપાટી કૂદાવી હતી. બુધવારના ઓપનિંગ સેશનમાં જ એચડીએફસીના બન્ને કાઉન્ટર્સ, આઈસીઆઈસીઆઈ બેન્ક તેમજ રિલાયન્સ ઈન્ડસ્ટ્રીઝના શેરમાં ઉછાળો નોંધાયો હતો.

બુધવારે બોમ્બે સ્ટોક એક્સચેન્જનો બેન્ચમાર્ક સેન્સેક્સ ઉપરમાં 34,422.71ની સપાટીને સ્પર્શ્યો હતો. એક તબક્કે 513.91 પોઈન્ટ અર્થાત 1.52 ટકાનો ઉછાળો જોવા મળ્યો હતો. નિફ્ટી આંક પણ ખુલતામાં 164.40 પોઈન્ટ વધીને 10,143.50ની સપાટીએ ટ્રેડ થયો છે. વૈશ્વિક મહામારી વચ્ચે ભારતીય અર્થતંત્રની ગાડી પાટા પર આવવાના આશાવાદ તેમજ વૈશ્વિક ફંડોના વેલ્યૂ બાઈંગના જોરે સ્થાનિક શેરબજારમાં સતત છઠ્ઠા સેશનમાં તેજી છવાયેલી રહી હતી. બજાજ ફાઈનાન્સમાં સૌથી વધુ છ ટકાનો ઉછાળો હતો. એક્સિસ બેન્ક, ઈન્ડસઈન્ડ બેન્ક, ઓએનજીસી, ટેક મહિન્દ્રા અને એચડીએફસી બેન્કના કાઉન્ટરમાં લાવલાવ જોવા મળ્યું હતુ.

બીજીતરફ આઈટી શેરો તેમજ ટેલિકોમ શેરોમાં વેચવાલીનું દબાણ રહેતા એક કલાકના ટ્રેડિંગ બાદ પ્રારંભિક ઉછાળો મર્યાદિત રહ્યો હતો. વૈશ્વિક ફંડોએ મંગળવારે 7,498.29 કરોડની નેટ લેવાલી કરી હતી. શેરબજાર છેલ્લા કેટલાક દિવસથી ઊંચો બેઝ બનાવવા મથી રહ્યું છે. જેને પગલે આગામી સમયમાં પોઝિટિવ સંકેતોને પગલે શેરોમાં વધુ લેવાલી થકી તેજી આગળ વધવાનો આશાવાદ જણાય છે તેમ એનાલિસ્ટ્સનું માનવું છે.

વૈશ્વિક સ્તરે પણ અર્થતંત્ર ધીરે ધીરે સ્થિર થઈ રહ્યું હોવાના સંકેતોથી ગ્લોબલ માર્કેટમાં રેલીને પગલે ઘરઆંગણે શેરબજારોમાં પ્રોત્સાહક ઉછાળો જોવા મળ્યો છે. વિદેશના બજારોમાં શાંઘાઈ, હોંગકોંગ, ટોક્યો અને સીઓલમાં બે ટકાનો ઉછાળો હતો. અમેરિકામાં અશ્વેતના કસ્ટડીમાં મોતને પગલે હિંસક તોફાનો બાદ ઈમર્જન્સીની સ્થિતિ વચ્ચે શેરબજારમાં ઉછાળો રહ્યો હતો અને ડાઉ જોન્સ 267 પોઈન્ટ વધીને જ્યારે નાસ્ડેક 56 પોઈન્ટના ઉછાળે બંધ રહ્યા હતા.

વધુ વાંચો

બિઝનેસ

શેરબજારને અનલોક-1 ફળ્યુ, 1000 અંકનો જમ્પ

શેરબજારને અનલોક-1 ફળ્યુ, 1000 અંકનો જમ્પ

ખબર ગુજરાત

પ્રકાશિત

on

અનલોક 1માં સરકાર દ્વારા આપવામાં આવેલ અમુક વધુ છૂટના પગલે માર્કેટને સપોર્ટ મળ્યો છે. બીએસઈ પર બેંચમાર્ક ઈન્ડેક્સ સેન્સેક્સ અગાઉના બંધ 32,424 સામે આજે 32,906 પર ખુલી હાલ 1005 અંક ઉછળીને 33,370 નજીક ટ્રેડ કરી રહ્યો છે.

જ્યારે બીજી તરફ નિફ્ટી 50 આંક પણ અગાઉના બંધ 9,580 સામે આજે 9,726 પર ખુલી હાલ 212 અંક વધીને 9,794 નજીક કારોબાર કરી રહ્યો છે. ઉપરાંત, આજે બેંકિંગ સેક્ટર્સમાં પણ જબરદસ્ત પોઝિટિવ સેન્ટિમેન્ટ્સ જોવા મળી રહ્યા છે. જેના કારણે બેંક નિફ્ટી ઇન્ડેક્સ 751 અંક કૂદીને 20 હજારને પાર 20,007 નજીક ટ્રેડ કરી રહ્યો છે. બીએસઈ પર મીડકેપ અને સ્મોલકેપ ઈન્ડેક્સ પણ અનુક્રમે 1.78 ટકા અને 2.02 ટકા વધીને કારોબાર કરી રહ્યા છે.

વિવિધ સેક્ટર્સની વાત કરીએ તો આજે રિયાલિટી, પાવર, મેટલ, ઓટો એમ લગભગ તમામ સેક્ટર વધીને કારોબાર કરી રહ્યા છે. મીડિયા રિપોર્ટ મુજબ લગભગ 757 સ્ક્રિપમાં તેજી અને 97 શેર્સ ગગડીને ટ્રેડ કરી રહ્યા છે. જ્યારે 42 શેર્સમાં કોઈ ફેરફાર હાલ જોવા મળ્યો નથી. અનલોક 1માં સરકાર દ્વારા આપવામાં આવેલ વધુ છૂટછાટ, ગ્લોબલ પોઝિટિવ સંકેત અને એશિયન માર્કેટ્સના સકારાત્મક વલણના કારણે આજે માર્કેટને સપોર્ટ મળ્યો છે.

વધુ વાંચો

બિઝનેસ

શેરબજાર/ જૂન સીરીઝનાં નબળા પ્રારંભ બાદ જોવાયો સુધારો

શેરબજાર/ જૂન સીરીઝનાં નબળા પ્રારંભ બાદ જોવાયો સુધારો

ખબર ગુજરાત

પ્રકાશિત

on

શેરબજારમાં આજે જૂન સીરીઝના નબળા પ્રારંભ બાદ સુધારો જોવાયો હતો. પ્રારંભમાં સેન્સેકસમાં 350 પોઇન્ટનું ગાબડું પડ્યું હતું. પર:તુ બાદમાં બજાર સુધરીને ગ્રીનઝોનમાં આવી ગયું હતું. આ લખાય છે ત્યારે 11 વાગ્યે બજારમાં ફલેટ કારોબાર જોવા મળી રહ્યો છે.

વધુ વાંચો

ટ્રેન્ડીંગ