Connect with us

મનોરંજન

નરેશ કનોડિયાના ભાઈ મહેશ કનોડિયાનું નિધન

નરેશ કનોડિયાના ભાઈ મહેશ કનોડિયાનું નિધન

ખબર ગુજરાત

પ્રકાશિત

on

ગુજરાતી ફિલ્મના સંગીતકાર અને પાટણના પૂર્વ લોકસભા સાંસદ મહેશ કુમારનું આજે લાંબી માંદગી બાદ 83 વર્ષની વયે ગાંધીનગર ખાતે નિધન થયું છે. તેઓ ગુજરાતી ફિલ્મના સુપરસ્ટાર નરેશ કોનડિયાના મોટાભાઈ હતા. મહેશ-નરેશ નામે મ્યૂઝિકલ કાર્યક્રમો દેશ અને વિદેશમાં આપ્યા હતા. ઉલ્લેખનીય છેકે નરેશ કનોડિયા પણ કોરોના પોઝિટિવ થતાં યુએન મહેતા હોસ્પિટલમાં સારવાર લઇ રહ્યાં છે અને તેમની હાલત સ્થિર બતાવવામાં આવી રહી છે.

મહેશ કનોડિયા ગુજરાતના મશહૂર સંગીતકાર (બંધુ બેલડી “મહેશ-નરેશ”) પૈકીના એક છે, અને નરેશ કનોડિયાના મોટાભાઈ છે. તેઓ પોતાની “મહેશકુમાર એન્ડ પાર્ટી” દ્વારા પણ જાણીતા છે. તેઓ કુદરતી બક્ષિસ ધરાવતા ઉમદા ગાયક છે. તેઓ સ્ત્રી તથા પુરુષનાં એમ બંનેના અવાજમા ગીતો ગાવા માટે પ્રખ્યાત છે. તેઓ જુદા જુદા ગાયકોનાં દા.ત. લતાજી, રફીસાહેબ, વગેરે 32 કલાકારોનાં અવાજમા ગીતો ગાવા માટે પણ મશહૂર છે. તેઓ પાટણ લોકસભા બેઠકના સંસદસભ્ય તરીકે લાબા સમય સુધી રહેલા છે.

ગુજરાતી ફિલ્મો ઉપરાંત મહેશ કનોડિયાએ ગરબા, લોકસંગીત, અને અન્ય ગેર ફિલ્મી આલ્બમોમાં પણ સંગીત આપ્યું છે. એ સિવાય તેમણે છોટા આદમી, મેરી દોસ્તી તેરા પ્યાર, હસીના માન જાયેગી, આઝાદી કે દિવાને, રફુચક્કર, રાજા ઔર રાના, કૌન, લાજવંતી, કુરબાની, મેરા ફેંસલા, પ્યાર મહોબત, મજે લે લો, તેરે પ્યાર મેં અને આવારા લડકી જેવી હિન્દી ફિલ્મોમાં પણ સંગીત આપ્યું છે. તેમણે “અપૂર્વ કન્નસુમ” નામની એક કન્નડ ફિલ્મમાં પણ સંગીતકાર તરીકેની ભૂમિકા ભજવી છે. “નીલી આંખે” નામની હિન્દી વિડિયો ફિલ્મમાં પણ પણ સંગીત આપ્યું છે. આ વિડિયો ફિલ્મનાં ગીતો હસરત જયપુરીએ લખ્યાં હતાં. તેમના ઘણાં ગીતો (ગેરફિલ્મી આલ્બમો અને ફિલ્મ સંગીત બન્ને) લતા મંગેશકર, મુકેશ, આશા ભોંસલે, મહંમદ રફી, મન્ના ડે, યેસુદાસ, કિશોરકુમાર, મહેન્દ્ર કપુર, ઉષા મંગેશકર, સુરેશ વાડકર, કવિતા ક્રુષ્ણમૂર્તિ, શબ્બીરકુમાર, અનુરાધા પૌડવાલ, ઉદિત નારાયણ કરસન સાગઠિયા, જેવા દિગ્ગજોએ ગાયેલાં છે.

મનોરંજન

રાજદ્રોહ કેસ : અભિનેત્રી કંગનાની ધરપકડમાં વચગાળાની રાહત

ખબર ગુજરાત

પ્રકાશિત

on

અભિનેત્રી કંગના રાણાવત ઘણાં સમયથી ચર્ચામાં છે. તેણી વિરૂધ્ધ મુંબઇની વડી અદાલતમાં કેસ ચાલી રહ્યો છે. રાજદ્રોહના આ કેસમાં વડી અદાલતે તેણીને ધરપકડ વિરૂધ્ધ હાલ પૂરતું રક્ષણ આપ્યું છે. કંગના રાણાવત ઉપરાંત તેણીની બહેન રંગોલી ચંડેલ પણ આ કેસમાં આરોપી છે. બન્ને બહેનો વિરૂધ્ધ રાજદ્રોહ સહિતના ગુનાઓની કલમો અંગે એફઆઇઆર નોંધાઇ હતી. વડી અદાલતે મંગળવારે આ કેસની સુનાવણી દરમ્યાન કહયું છે કે, આઠમી જાન્યુઆરી સુધી આ બન્ને બહેનોની ધરપકડ થઇ શકશે નહીં. અદાલતમાં વધુ સુનાવણી આઠમી જાન્યુઆરીએ રાખવામાં આવી છે અને બન્ને બહેનોને વડી અદાલત સમક્ષ 8મીએ હાજર થવા કહેવામાં આવ્યું છે.

અત્રે નોંધનિય છે કે, આઇપીસીની કલમ 124-એ (રાજદ્રોહ) હેઠળ પોતાની વિરૂધ્ધ નોંધવામાં આવેલી આ ફરિયાદને કંગના દ્વારા વડી અદાલતમાં પડકારવામાં આવી છે. અદાલતે આ કેસની સુનાવણી દરમ્યાન પોલીસને એવો પ્રશ્ન પણ પૂછયો હતો કે, કોઇપણ વ્યકિત સરકારની સાથે અથવા સરકારની નીતિ સાથે સહમત ન હોય અને વિરોધ કરે તો રાજદ્રોહનો ગુનો નોંધી શકાય ?

વડી અદાલતે પોલીસને એમ પણ જણાવ્યું હતું કે, આ અગાઉ પોલીસ દ્વારા આ બન્ને બહેનોને ત્રણ વખત સમન્સ મોકલવામાં આવ્યા છે. આ બન્ને મહિલાઓનું પોલીસે માન જાળવવું જોઇએ.

આ અગાઉ મુંબઇના બાંદ્રાની અદાલતે પોલીસની આ એફઆઇઆરના અનુસંધાને તપાસનો આદેશ આપ્યો હતો. પોલીસે આ બન્ને બહેનો પર સમાજમાં નફરત અને કોમી તણાવ ફેલાવવાનો આક્ષેપ મૂકયો હતો. પોલીસેે એમ જણાવ્યું હતું કે, આ બહેનોએ સોશિયલ મીડિયામાં પોતાની પોસ્ટ મારફત આવો પ્રયત્ન કર્યો હતો.

મંગળવારે કંગના રાણાવત અને તેની બહેન રંગોલીએ પોલીસે નોંધેલી આ ફરિયાદ તથા નીચલી અદાલતે ફરિયાદના અનુસંધાને તપાસનો જે આદેશ આપ્યો હતો તે બન્ને રદ કરવા હાઇકોર્ટમાં પીટિશન કરી હતી. આ પીટિશનની સુનાવણી દરમ્યાન હાઇકોર્ટ દ્વારા ઉપરોકત અદાલતી કાર્યવાહી કરવામાં આવી હતી.

વધુ વાંચો

મનોરંજન

તારક મેહતા કા ઉલ્ટા ચશ્માના પ્રોડ્યૂસર અસિત કુમાર મોદી કોરોના પોઝિટિવ

ખબર ગુજરાત

પ્રકાશિત

on

વિશ્વભરમાં કોરોના કહેર વર્તાવી રહ્યો છે. ભારતમાં પણ હજુ કોરોનાનો હાહાકાર યથાવત છે. ત્યારે ટીવી સિરિયલ તારક મેહતા કા ઉલ્ટા ચશ્માના પ્રોડ્યૂસર અસિત કુમાર મોદીનો કોરોના રિપોર્ટ પોઝિટિવ આવ્યો છે. તેમને ટેસ્ટ પોઝિટિવ આવ્યા બાદ તેમણે ખુદને આઈસોલેટ કર્યા છે. અસિત કુમાર મોદીએ પોતાના સોશિયલ પ્લેટફોર્મ પર તેની જાણકારી આપી. અસિત મોદી સબ ટીવી પર આવતા લોકપ્રિય શો તરાક મહેતા કા ઉલ્ટા ચશ્માના પ્રોડ્યુસર છે અને તેમણે ટ્વિટર પર જણાવ્યું કે, તેઓને કોરોનાના લક્ષણો જણાતા ટેસ્ટ કરાવ્યો હતો અને તે પોઝિટિવ આવ્યો છે. તેમણે પોતાને આઈસોલેટ કરી લીધા છે અને તેમના સંપર્કમાં આવેલા તમામને પ્રોટોકોલનું પાલન કરવા આદેશ કર્યો છે. લોકડાઉન બાદ અનલોક સાથે જુલાઈમાં જ તારક મહેતા કા ઉલ્ટા ચશ્માનું ફરી શૂટિંગ શરૂ કરાયું હતું. અસિત મોદીએ અંગ્રેજી અને હિન્દીમાં ટ્વીટ કરીને પોતાને કોરોના સંક્રમણ થયું હોવાનું જણાવ્યું હતું.

વધુ વાંચો

મનોરંજન

કોમેડિયન ભારતી સિંહ અને પતિ હર્ષની ડ્રગ કેસમાં ધરપકડ

ખબર ગુજરાત

પ્રકાશિત

on

જાણીતી હાસ્ય કલાકાર ભારતી સિંહ અને તેના પતિ હર્ષ લિંબાચિયાની નાર્કોટિક્સ કંટ્રોલ બ્યૂરો (એનસીબી)એ શનિવારે એનડીપીએસ એક્ટ ૧૯૮૬ની જોગવાઇ હેઠળ ધરપકડ કરી હતી. એનસીબી દ્વારા હાથ ધરવામાં આવેલી પૂછપરછ દરમિયાન ભારતી અને તેના પતિ હર્ષે ગાંજાનું સેવન કરતા હોવાની કબૂલાત કરી હતી. ભારતી અને તેના પતિને રવિવારે કોર્ટ સમક્ષ રજૂ કરશે.

એક ડ્રગ પેડલરની પૂછપરછ દરમિયાન બંનેના નામ સામે આવ્યા બાદ એનસીબીને ભારતી સિંહના મુંબઇ સ્થિત કાર્યાલય અને નિવાસસ્થાનોની તપાસ દરમિયાન ૮૬.૫ ગ્રામ ગાંજો મળી આવ્યો હતો. બંનેના મુંબઇના અંધેરી, લોખંડવાલા અને વર્સોવા ખાતેના નિવાસસ્થાને કલાકો સુધી પૂછપરછ કરી હતી. બંનેએ ડ્રગ સેવન કરતા હોવાની કબૂલાત કરી હતી.

મુંબઇ એનસીબી કાર્યાલયના અધિકારી સમીર વાનખેડેએ જણાવ્યું હતું કે તેમના નિવાસેથી નશીલો પદાર્થ મળી આવ્યો હતો. પ્રતિબંધિત કેફી પદાર્થ તેઓ કઈ રીતે મેળવી રહ્યા હતા અને કેટલી વાર તેમણે તેની ખરીદી કરી હતી. તે બાબતનો તાગ મેળવવા એનસીબી પ્રયાસ કરશે.

વધુ વાંચો
Advertisement
Advertisement

ટ્રેન્ડીંગ